Matching Grant Scheme (MGS) ການຊ່ວຍເຫຼືອສໍາລັບທຸລະກິດ ກະສິກໍາ ແບບມີສ່ວນຮ່ວມ ແມ່ນມີດັ່ງລຸ່ມນີ້:
1. ເງື່ອນໄຂຂອງ ໂຮງສີເຂົ້າ ທີ່ຈະໄດ້ຮັບການຊ່ວຍເຫລືອຈາກ MGS (ການຊ່ວຍເຫລືອ ສໍາລັບທຸລະກິດ ກະສິກໍາ ແບບມີສ່ວນຮ່ວມ):
- ບົດສະເຫນີການລົງທຶນແມ່ນມີຄວາມເຫມາະສົມ;
- ມີໃບອະຍາດດໍາເນີນທຸລະກິດ (ການຄ້າ, ອາກອນ)ທີ່ສາມາດໄຊ້ໄດ້;
- ເປັນສະມາຊິກຂອງກຸ່ມໂຮງສີເຂົ້າ ຫລື ສະຫະກອນ ຫລື ໃນກໍລະນີ ກຸ່ມດັ່ງກ່າວບໍ່ມີການເຄື່ອນໄຫວ ຕ້ອງມີການຢັ້ງຢືນວ່າ ໂຮງສີທ່ານຍັງດຳເນີນການ ເຄື່ອນໄຫວ, ຕ້ອງແມ່ນຄົນລາວເປັນຜູ້ຖືຮຸ້ນລາຍໃຫຍ່;
- ພ້ອມທີ່ຈະປະກອບສ່ວນເຂົ້າໃນການລົງທຶນ (40%) ຕາມນະໂຍບາຍຂອງ MGS, ຢ່າງໜ້ອຍ 10% ແມ່ນການປະກອບໂດຍທຶນຂອງຕົນເອງ;
- ສັນຍາວ່າຈະສະຫນັບສະຫນູນຊຸມຊົນ (ກຸ່ມຜູ້ຜະລິດກະສິກໍາ “ປູກເຂົ້າ”), ແລະ ຈັດຕັ້ງກະກຽມການຜະລິດ (ການຈັດຫາປັດໃຈການຜະລິດ, ສິນເຊື່ອ, ການຮັບປະກັນລາຄາຂັ້ນຕໍ່າ, ການສົ່ງເສີມ ແລະ ອື່ນໆ) ໃຫ້ກັບກຸ່ມຜູ້ຜະລິດກະສິກໍາເພື່ອດຳເນີນງານຢ່າງມີປະສິດທິພາບ ແລະ ດຳເນີນງານພາຍໃນຂອບເຂດທຸລະກິດທີ່ວາງແຜນໄວ້ຂອງໂຮງສີເຂົ້າຂະຫນາດນ້ອຍ ແລະ ຂະໜາດກາງພາຍໃນເຄືອຂ່າຍກຸ່ມໂຮງສີເຂົ້າທີ່ຈົດທະບຽນ -
- ໂຮງສີເຂົ້າຂະໜາດກາງ ສັນຍາວ່າຈະເສີມຂະຫຍາຍຄວາມສາມາດໃນການຜະລິດຂອງໂຮງສີເຂົ້າຂະໜາດນ້ອຍໃນເຄືອຂ່າຍຂອງຕົນເອງ ໂດຍການຖ່າຍທອດຄວາມຮູ້ ແລະ ທັກສະ, ວິທີການ;
- ສັນຍາຢ່າງເປັນລາຍລັກອັກສອນ ທີ່ຈະໃຊ້ຊັບພະຍາກອນຢ່າງມີປະສິດທິພາບໃນເລື້ອງຂອງການປະຢັດນໍ້າ ແລະການປະຢັດພະລັງງານ;
- ມີນະໂຍບາຍກ່ຽວກັບນະວັດຕະກຳກະສິກຳທີ່ເປັນມິດກັບສິ່ງແວດລ້ອມ “CSA” (ປ່ຽນແປງຈາກສິ່ງເກົ່າໄປສູ່ສິ່ງໃຫມ່) ແລະ ນະໂຍບາຍການປະຢັດພະລັງງານສີຂຽວ, ຫລື ຖ້າບໍ່ມີ ແມ່ນມີຄວາມມຸ້ງຫມັ້ນທີ່ຈະເຮັດ;
- ຜູ້ທີ່ໄດ້ຮັບຜົນປະໂຫຍດຈະເປັນຜູ້ຮັບຜິດຊອບຕໍ່ການດຳເນີນງານ ແລະ ການ ບໍາລຸງຮັກສາ (O&M) ຂອງພື້ນຖານໂຄງລ່າງທີ່ສະຫນອງໃຫ້ພາຍໃຕ້ໂຄງການ ທັງຢຸ່ໃນລະຫວ່າງທີ່ໂຄງການ ຍັງດຳເນີນງານຢູ່ ແລະ ຫຼັງໂຄງການ, ແລະ ກ່ອນທີ່ຈະເລີ່ມຕົ້ນ ພວກເຂົາຕ້ອງໄດ້ໃຫ້ຄໍາຫມັ້ນສັນຍາກ່ຽວກັບ O&M; ແລະ
- ຄວາມປອດໄພຕໍ່ສັງຄົມ ແລະ ສິ່ງແວດລ້ອມ ທີ່ຍອມຮັບໄດ້.
2. ເງື່ອນໄຂຂອງ ໂຮງງານຝຸ່ນຊີວະພາບ ທີ່ຈະໄດ້ຮັບການຊ່ວຍເຫລືອຈາກ MGS (ການຊ່ວຍເຫລືອທຸລະກິດກະສິກໍາແບບມີສ່ວນຮ່ວມ)
- ບົດສະເຫນີການລົງທຶນແມ່ນມີຄວາມເຫມາະສົມ;
- ມີໃບອະຍາດດໍາເນີນທຸລະກິດ (ການຄ້າ, ອາກອນ) ແລະ ໃບອະນຸຍາດຈາກພາກ ສ່ວນທີ່ກ່ຽວຂ້ອງທີ່ສາມາດໃຊ້ໄດ້;
- ຄົນລາວເປັນຜູ້ຖືຮຸ້ນລາຍໃຫຍ່;
- ພ້ອມທີ່ຈະປະກອບກ່ວນເຂົ້າໃນການລົງທຶນ (40%) ຕາມນະໂຍບາຍຂອງ MGS, ຢ່າງໜ້ອຍ 10% ແມ່ນການປະກອບໂດຍທຶນຂອງຕົນເອງ;
- ຕ້ອງມີສັນຍາຜູກພັນ, ຕ້ອງສະຫນັບສະຫນູນກຸ່ມຜູ້ຜະລິດກະສິກໍາທີ່ນອນໃນເປົ້າຫມາຍໂຄງການ, ກຸ່ມຜູ້ຜະລິດທີ່ໄດ້ຮັບການຊ່ວຍເຫລືອຈາກໂຄງການ, ຖ້າມີການສະຫນັບສະຫນູນກຸ່ມອື່ນໆອີກ ກໍຈະເປັນການດີ
- ສັນຍາຢ່າງເປັນລາຍລັກອັກສອນ ທີ່ຈະໃຊ້ຊັບພະຍາກອນຢ່າງມີປະສິດທິພາບໃນເລື້ອງຂອງການປະຢັດນໍ້າ ແລະການປະຢັດພະລັງງານ;
- ນະໂຍບາຍກ່ຽວກັບນະວັດຕະກຳກະສິກຳທີ່ເປັນມິດກັບສິ່ງແວດລ້ອມ “CSA” (ປ່ຽນແປງຈາກສິ່ງເກົ່າໄປສູ່ສິ່ງໃຫມ່) ແລະ ນະໂຍບາຍການປະຢັດພະລັງງານສີຂຽວ, ຫລື ຖ້າບໍ່ມີ ແມ່ນມີຄວາມມຸ້ງຫມັ້ນທີ່ຈະເຮັດ;
- ຜູ້ທີ່ໄດ້ຮັບຜົນປະໂຫຍດຈະເປັນຜູ້ຮັບຜິດຊອບຕໍ່ການດຳເນີນງານ ແລະ ການບໍາລຸງຮັກສາ (O&M) ຂອງພື້ນຖານໂຄງລ່າງທີ່ສະຫນອງໃຫ້ພາຍໃຕ້ໂຄງການ ທັງຢຸ່ໃນລະຫວ່າງທີ່ໂຄງການຍັງດຳເນີນງານຢູ່ ແລະ ຫຼັງໂຄງການ, ແລະ ກ່ອນທີ່ຈະເລີ່ມຕົ້ນ ຜູ້ປະກອບການຕ້ອງສັນຍາກ່ຽວກັບ O&M; ແລະ;
- ຄວາມປອດໄພຕໍ່ສັງຄົມ ແລະ ສິ່ງແວດລ້ອມ ທີ່ຍອມຮັບໄດ້.
3. ເງື່ອນໄຂຂອງ ໂຮງເຮືອນ ຄັດແຍກ ແລະ ຫຸ້ມຫໍ່ພືດຜັກ ທີ່ຈະໄດ້ຮັບການຊ່ວຍເຫລືອຈາກ MGS (ການຊ່ວຍເຫລືອທຸລະກິດກະສິກໍາແບບມີສ່ວນຮ່ວມ)
- ບົດສະເຫນີການລົງທຶນມີຄວາມເຫມາະສົມ;
- ລົງທະບຽນ/ຈົດທະບຽນກັບ PAFO ໃນຖານະເປັນກຸ່ມ ແລະ ສະຫະກອນ ທີ່ໄດ້ປະຕິບັດຕາມຂໍ້ຕົກລົງເລກທີ 2984 ແລະ 2983 ລົງວັນທີ 25 ກັນຍາ 2014 ລັດຖະມົນຕີກະຊວງກະສິກໍາ ແລະ ປ່າໄມ້, ວ່າດ້ວຍການສ້າງຕັ້ງ ແລະ ຄຸ້ມຄອງກຸ່ມຜູ້ຜະລິດກະສິກໍາ; ແລະ ສະຫະກອນຜະລິດກະສິກຳ ຫລື ດໍາລັດ ເລກທີ 606, ລົງວັນທີ 26 ພະຈິກ 2020 ນາຍົກລັດຖະມົນຕີ ແຫ່ງ ສປປ ລາວ ວ່າດ້ວຍກຸ່ມ ແລະ ສະຫະກອນ, ຫລື ຫົວຫນ່ວຍທຸລະກິດ ເອກະຊົນ ທີ່ມີໃບທະບຽນວິສາຫະກິດ, ອາກອນທີ່ປະຈຸບັນຍັງສືບຕໍ່ດໍາເນີນທຸລະກິດ.
- ສະມາຊິກ ຜູ້ຜະລິດ ກະສິກໍາ (APG) ຕ້ອງມີສ່ວນຮ່ວມໃນການປູກຜັກເປັນຫລັກ;
- ສຳລັບທຸລະກິດ ເອກະຊົນຕ້ອງມີສັນຍາຜູກພັນ, ຕ້ອງສະຫນັບສະຫນູນກຸ່ມຜູ້ຜະລິດກະສິກໍາທີ່ນອນໃນເປົ້າຫມາຍໂຄງການ, ກຸ່ມຜູ້ຜະລິດທີ່ໄດ້ຮັບການຊ່ວຍເຫລືອຈາກໂຄງການ, ຖ້າມີການສະຫນັບສະຫນູນກຸ່ມອື່ນໆອີກ ກໍຈະເປັນການດີ
- ພ້ອມທີ່ຈະປະກອບກ່ວນເຂົ້າໃນການລົງທຶນ (40%) ຕາມນະໂຍບາຍຂອງ MGS, ຢ່າງໜ້ອຍ 10% ແມ່ນການປະກອບໂດຍທຶນຂອງຕົນເອງ;
- ຜູ້ທີ່ໄດ້ຮັບຜົນປະໂຫຍດຈະເປັນຜູ້ຮັບຜິດຊອບຕໍ່ການດຳເນີນງານ ແລະ ການ ບໍາລຸງຮັກສາ (O&M) ຂອງພື້ນຖານໂຄງລ່າງທີ່ສະຫນອງໃຫ້ພາຍໃຕ້ໂຄງ ການ ທັງຢຸ່ໃນລະຫວ່າງທີ່ໂຄງການຍັງດຳເນີນງານຢູ່ ແລະ ຫຼັງໂຄງການ, ແລະ ກ່ອນທີ່ຈະເລີ່ມຕົ້ນ ຜູ້ປະກອບການຕ້ອງສັນຍາກ່ຽວກັບ O&M; ແລະ
- ຄວາມປອດໄພຕໍ່ສັງຄົມ ແລະ ສິ່ງແວດລ້ອມ ທີ່ຍອມຮັບໄດ້.