ໂຄງການສົ່ງເສີມລະບົບຕ່ອງໂສ້ການຜະລິດກະສິກຳເປັນສິນຄ້າທີ່ເປັນມິດຕໍ່ສິ່ງແວດລ້ອມ (ຄສກສ), ທີ່ປຶກສາຄຸ້ມຄອງການເງິນ (FME) ຍິນດີເຊີນທ່ານ ສະເຫນີແນວຄວາມຄິດເພື່ອເປັນຄູ່ຮ່ວມງານ ກັບໂຄງການດັ່ງກ່າວ ດັ່ງນີ້:
ເປົ້າໝາຍຂອງບົດສະເຫນີແນວຄວາມຄິດ
ໂຄງການສົ່ງເສີມລະບົບຕ່ອງໂສ້ການຜະລິດກະສິກໍາເປັນສີນຄ້າທີ່ເປັນມິດກັບສິ່ງແວດລ້ອມ (ຄສກສ) ແມ່ນໂຄງການຊ່ວຍເຫລືອລ້າຈາກທະນາຄານພັດທະນາອາຊີ (ADB) ໃຫ້ກັບ ລັດຖະບານ ສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ).
ໂຄງການຈະດຳເນີນການຈັດຕັ້ງປະຕິບັດເປັນໄລຍະເວລາ 6 ປີ ຈົນເຖິງເດືອນກັນຍາ 2024, ການດໍາເນີນງານຕາມຍຸດທະສາດການພັດນາກະສິກຳຂອງລັດຖະບານ ຮອດປີ 2025 (ADS) ໂດຍການເພີ່ມຂີດຄວາມສາມາດໃນການແຂ່ງຂັນຕ່ອງໂສ້ການຜະລິດເຂົ້າ ໃນແຂວງ ຄຳມ່ວນ, ສາລະວັນ ແລະ ສະຫວັນນະເຂດ, ແລະ ຕ່ອງໂສ້ການຜະລິດພືດຜັກໃນນະຄອນຫລວງວຽງຈັນ, ຈຳປາສັກ ແລະ ເຊກອງ1. ໂຄງການນີ້ຈະຊ່ວຍປັບປຸງສະພາບອາກາດ ທີ່ແທດເໝາະຕໍ່ພື້ນຖານໂຄງລ່າງດ້ານກະສິກຳ ແລະ ເພີ່ມສະມັດຕະພາບການຜະລິດພືດ, ຄວາມຫລາກຫລາຍ ແລະ ການຄ້າຂາຍ.
ມັນຈະຊ່ວຍປັບປຸງຄວາມອາດສາມາດໃນການເກັບຮັກສາ, ການປຸງແຕ່ງ, ຄຸນນະພາບ ແລະ ການທົດສອບຄວາມປອດໄພ ແລະ ສົ່ງເສີມການນຳໃຊ້ປຸຍຊີວະພາບ ແລະ ກະສິກຳອິນຊີ. ຈະສ້າງຂີດຄວາມສາມາດຂອງຊາວກະສິກອນ ແລະ ທຸລະກິດກະສິກຳ ເພື່ອນະວັດຕະກຳກະສິກຳທີ່ເປັນມິດຕໍ່ສິ່ງແວດລ້ອມ ແລະ ສ້າງສະພາບແວດລ້ອມທີ່ເອື້ອອຳນວຍໃຫ້ແກ່ທຸລະກິດກະສິກຳທີ່ເປັນມິດຕໍ່ສິ່ງແວດລ້ອມ ເພື່ອສົ່ງເສີມຄວາມຍືນຍົງຕາມຕ່ອງໂສ້ດັ່ງກ່າວ. ປະຈຸບັນໂຄງການ ຄສກສ ແມ່ນພາຍໃຕ້ການຊີ້ນຳຂອງກະຊວງກະສິກຳ ແລະ ປ່າໄມ້, ກົມສົ່ງເສີມກະສິກໍາ ແລະ ສະຫະກອນ.
ໂຄງການ ຄສກສ ປະກອບມີ 2 ອົງປະກອບຄື:
- ອົງປະກອບ ການຈັດຕັ້ງປະຕິບັດ ໂຄງການ (PIC)
- ອົງປະກອບ ການຄຸ້ມຄອງການເງິນ (FME).
ໃນເວລານີ້ ຄສກສ ມີຈຸດປະສົງທີ່ຈະປະກາດເຖິງຜູ້ທີ່ມີຄວາມສົນໃຈເຂົ້າຮ່ວມການປະມູນໂດຍການສະເຫນີແນວຄວາມຄິດ ເພື່ອຍາດແຍ່ງເອົາການຊ່ວຍເຫລືອຈາກ ໂຄງການ, ທີ່ປຶກສາ ຄຸ້ມຄອງການເງິນ (FME) - ການຊ່ວຍເຫລືອ ທຸລະກິດກະສິກໍາ ແບບມີສ່ວນຮ່ວມເພື່ອ:
- ຍົກລະດັບໂຄງລ່າງພື້ນຖານຂອງໂຮງສີເຂົ້າຂະໜາດນ້ອຍ ແລະ ກາງ ເພື່ອຍົກສູງສະມັດຕະພາບ ແລະ ຄຸນນະພາບຂອງການຜະລິດ, ການສ້າງຄວາມເຊື່ອມໂຍ່ງກັບກຸ່ມຊາວກະສິກອນຜູ້ຜະລິດເຂົ້າ, ອຸປະກອນ ຫລື ສະຖານທີ່ໆຕິດພັນກັບການຜະລິດ, ການຝຶກອົບຮົມ, ການແລກປ່ຽນບົດຮຽນຂອງເຄື່ອຂ່າຍຂອງກຸ່ມຜູ້ຜະລິດແມ່ນມີສິດໄດ້ຮັບການຊ່ວຍເຫລືອ, ຍົກເວັ້ນທຶນຫມູນວຽນ ແລະ ພາຫະນະຮັບໄຊ້.
- ກຸ່ມຜູ້ຜະລິດພືດຜັກ ຫລື ສະຫະກອນ ທີ່ຕ້ອງການກໍ່ສ້າງ ຫຼື ຍົກລະດັບອາຄານສູນເກັບຜັກ ແລະ ອາຄານຫຸ້ມຫໍ່ ນອກຈາກນັ້ນກໍມີສາງເຢັນ, ເຄື່ອງລ້າງຜັກ, ເຄື່ອງຄັດເກດ, ເຄື່ອງປັບອາກາດ, ລົດບັນທຸກທີ່ຕິດຕູ້ເຢັນ ແລະ ບໍ່ຕິດຕູ້ເຢັນ, ການປັບປຸງການເຊື່ອມໂຍງກັບທຸລະກິດ ກະສິກຳ ທັງຫມົດແມ່ນມີສິດໄດ້ຮັບການຊ່ວຍເຫລືອ
- ປັບປຸງ, ຍົກລະດັບໂຮງງານຝຸ່ນຊີວະພາບ ໃຫ້ມີປະສິດຕິພາບ, ການສະໜອງການບໍລິການ ແລະ ການສົ່ງເສີມກຸ່ມຜູ້ຜະລິດໃຫ້ນໍາໃຊ້ຝຸ່ນຊີວະພາບ, ອຸປະກອນ ຫລື ສະຖານທີ່ໆຕິດພັນກັບການຜະລິດເຊັ່ນ: ສາງເກັບມ້ຽນວັດຖຸດິບ, ສ້າງເກັບມ້ຽນຜົນຜະລິດ, ອຸປະກອນການຜະລິດ, ລົດບັນທຸກ, ຫ້ອງວິໃຈ, ການຝຶກອົບຮົມ, ແລກປ່ຽນບົດຮຽນຂອງເຄື່ອຂ່າຍຂອງກຸ່ມຜູ້ຜະລິດແມ່ນມີສິດໄດ້ຮັບການຊ່ວຍເຫລືອ, ຍົກເວັ້ນທຶນຫມູນວຽນ ແລະ ພາຫະນະຮັບໄຊ້. ແລະ ອື່ນໆ)
ເງື່ອນໄຂຂອງຜູ້ເຂົ້າຮ່ວມປະມູນ ສະເຫນີແນວຄວາມຄິດ
ໂຄງການ ຄສກສ - ທີ່ປຶກສາຄຸ້ມຄອງການເງິນ (FME) ເຊີນທ່ານຜູ້ປະກອບການທີ່ມີຄວາມສົນໃຈ ຢື່ນປະມູນບົດສະເຫນີແນວຄວາມຄິດ, ຜູ້ປະກອບການທີ່ສາມາດຮ່ວມປະມູນໃນຄັ້ງນີ້ປະກອບດ້ວຍທຸລະກິດກະສິກໍາດັ່ງນີ້:
- ຜູ້ປະກອບການໂຮງສີເຂົ້າ;
- ກຸ່ມຜູ້ຜະລິດພືດຜັກ ຫລື ສະຫະກອນ ທີ່ຕ້ອງການ ໂຮງເຮືອນຄັດແຍກ ແລະ ຫຸ້ມຫໍ່ພືດຜັກ ແລະ;
- ຜູ້ປະກອບການ ໂຮງງານຝຸ່ນຊີວະພາບ.
ລາຍລະອຽດເງື່ອນໄຂອື່ນໆຂອງທຸລະກິດແຕ່ລະປະເພດ ແລະ ການນໍາໃຊ້ທຶນຊ່ວຍເຫລືອ ແມ່ນທ່ານສາມາດດາວໂຫລດໄດ້ນໍາເວບໄຊສ (website): https://cfavc.daec-laos.org
ຜູ້ປະກອບການໃດຫາກພະຍາຍາມແຊກແຊງຕໍ່ຂະບວນການຄັດເລືອກພາຍໃນຂອງໂຄງການ ຄສກສ - FME ຜູ້ປະກອບການດັ່ງກ່າວຈະຖືກຕັດສິດໃນການເຂົ້າຮ່ວມປະມູນທັນທີ.
ຜູ້ປະກອບການທີ່ຮ້ອງຂໍການຊ່ວຍເຫຼືອທີ່ນອກເໜືອຈາກໂຄງການ ຄສກສ - FME ໄດ້ກຳນົດໄວ້ແມ່ນຈະບໍ່ໄດ້ຮັບການພິຈາລະນາ.
ຕາຕະລາງຕໍ່ໄປນີ້ສະແດງເຖິງເຫດການ ແລະໄລຍະເວລາທີ່ສຳຄັນໃນການດໍາເນີນກິດຈະກຳບົດສະເຫນີແນວຄວາມຄິດ:
|
ລ/ດ
|
ກິດຈະກໍາທີ່ສໍາຄັນ
|
ວັນທີ
|
|
1
|
ເປີດຮັບບົດສະເຫນີແນວຄວາມຄິດຢ່າງເປັນທາງການ
|
09/02/2022
|
|
2
|
ມື້ສຸດທ້າຍຂອງການສົ່ງຄຳຖາມຢ່າງເປັນລາຍລັກອັກສອນໂດຍຜູ້ສະຫມັກຕໍ່ ຂໍ້ຂ້ອງໃຈ ຫລື ຄໍາອະທິບາຍເພີ້ມເຕີມຂອງແບບຟອມບົດສະເຫນີແນວຄວາມຄິດ
|
16/02/2022
|
|
3
|
ຕອບຄໍາຖາມຂອງຜູ້ສະຫມັກໂດຍທີ່ປຶກສາຄຸ້ມຄອງການເງິນ (FME)
|
18/02/2022
|
|
4
|
ມື້ສຸດທ້າຍສຳລັບການສົ່ງເອກະສານບົດສະເຫນີແນວຄວາມຄິດ
|
11/03/2022
|
|
5
|
ປະກາດຢ່າງເປັນທາງການຜູ້ທີ່ໄດ້ຮັບການຄັດເລືອກ(ຜ່ານບົດສະເຫນີແນວຄວາມຄິດ)
|
25/04/2022
|
ເອກະສານບົດສະເຫນີແນວຄວາມຄິດ
ຜູ້ປະກອບການທ່ານໃດສົນໃຈກະລຸນາສົ່ງອີເມວໄປທີ່ ໂຄງການສົ່ງເສີມລະບົບຕ່ອງໂສ້ການຜະລິດກະສິກຳເປັນສິນ ຄ້າ ທີ່ເປັນມິດຕໍ່ສິ່ງແວດລ້ອມ(ຄສກສ) - ທີ່ປຶກສາຄຸ້ມຄອງການເງິນ (FME) , Email This email address is being protected from spambots. You need JavaScript enabled to view it.">to: This email address is being protected from spambots. You need JavaScript enabled to view it. ເພື່ອຮັບລາຍລະອຽດຂອງຂໍ້ມູນ ແລະ ແບບຟອມບົດສະເຫນີແນວຄວາມຄິດໂຄງການ https://docs.google.com/document/d/1iTr54hGsdf7GIWFHXlkgnBHxd-fCPVyo3cxjn4vJ6Mw/edit?usp=sharing ຫລື ທ່ານສາມາດເຂົ້າເບິ່ງໃນເວບໄຊທ໌ (website):https://cfavc.daec-laos.org ຜູ້ປະກອບການທ່ານໃດຕ້ອງການເຂົ້າຮ່ວມໃນຂະບວນການແມ່ນຈໍາເປັນຕ້ອງປະກອບແບບຟອມບົດສະເຫນີແນວຄວາມຄິດ. ບັນດາບໍລິສັດ (ຜູ້ປະກອບການ)ຈະຕ້ອງກວດຄືນບັນດາຄຳແນະນຳ ເງື່ອນໄຂ ແລະ ຂໍ້ກຳນົດ ແລະ ລາຍລະອຽດຂອງ ບົດສະເຫນີແນວຄວາມຄິດຢ່າງລະອຽດ. ການທີ່ບໍ່ສາມາດປະກອບຂໍ້ມູນເຂົ້າໃນແບບຟອມຢ່າງຄົບຖ້ວນແມ່ນຈະມີຄວາມສ່ຽງໃຫ້ແກ່ບໍລິສັດຜູ້ປະມູນເອງ ເຊິ່ງອາດຈະນຳມາສູ່ການປະຕິເສດຮັບແບບຟອມເຂົ້າຮ່ວມການປະມູນ. ຂໍ້ມູນທີ່ທ່ານປະກອບມາຈະຖືກນໍາໃຊ້ເພື່ອພິຈາ ລະນາເຖິງຄວາມເຫມາະສົມຂອງບໍລິສັດຂອງທ່ານວ່າມີຄຸນສົມບັດພຽງພໍທີ່ຈະເຊີນເຂົ້າຮ່ວມການປະມູນ.
ວັນທີປິດ ບົດເຫນີແນວຄວາມຄິດ
ວັນທີປິດຮັບບົດສະເຫນີແນວຄວາມຄິດແມ່ນ 5:00 ໂມງແລງຕາມເວລາທ້ອງຖິ່ນ, ວັນທີ 11 ເດືອນ ມິນາ ປີ 2022. ເອກະສານຕ້ອງຖືກສົ່ງໄປໃນຊອງຈົດໝາຍ ທີ່ມີຫົວຂໍ້ວ່າ “ ຄສກສ-FME” ຕາມທີ່ຢູ່ດັ່ງລຸ່ມນີ້:
ກົມສົ່ງເສີມກະສິກໍາ ແລະ ສະຫະກອນ
ໂຄງການສົ່ງເສີມລະບົບຕ່ອງໂສ້ການຜະລິດກະສິກຳເປັນສິນຄ້າທີ່ເປັນມິດຕໍ່ສິ່ງແວດລ້ອມ (ຄສກສ), ທີ່ປຶກສາຄຸ້ມຄອງການເງິນ (FME)
ຕູ້ໄປສະນີ: 1888
ນະຄອນຫລວງວຽງຈັນ, ສປປ ລາວ
ໂທລະສັບ: 030 5046363
ຫລື ສົ່ງທາງອີເມວ (e-mail)%This email address is being protected from spambots. You need JavaScript enabled to view it.">: This email address is being protected from spambots. You need JavaScript enabled to view it.
ບົດສະເຫນີແນວຄວາມຄິດ ທີ່ໄດ້ຮັບຫລັງວັນເວລາທີ່ກຳນົດເວລາຂ້າງເທິງນີ້ຈະບໍ່ຖືກພິຈາລະນາ.
ບົດສະເຫນີແນວຄວາມຄິດ ນີ້ບໍ່ໄດ້ໝາຍເຖິງຂໍ້ຜູກມັດຂອງໂຄງການ ຄສກສ - ທີ່ປຶກສາຄຸ້ມຄອງການເງິນ(FME) ຫຼື ອື່ນໆ. ຄສກສ - FME ຂໍສະຫງວນສິດໃນການຍອມຮັບ ຫຼື ປະຕິເສດຂໍ້ສະເໜີ ໃດຫນຶ່ງ ຫລື ທັງຫມົດ ໂດຍບໍ່ມີຂໍ້ຜູກມັດໃດໆໃນການແຈ້ງໃຫ້ຜູ້ສະໝັກທີ່ໄດ້ຮັບຜົນກະທົບຮັບຊາບເຖິງເຫດຜົນຂອງການຍອມຮັບ ຫຼື ປະຕິເສດ.
