ກອງປະຊຸມ ແລະ ຝຶກອົບຮົມ

ໃນວັນທີ 26 ທັນວາ 2023 ທີ່ ສະພາການຄ້າ ແລະ ອຸດສາຫະກໍາ ແຫ່ງຊາດລາວ (LNCCI) ນະຄອນຫລວງວຽງຈັນ
ໂດຍການເປັນປະທານຂອງ ທ່ານ ສົມພອນ ແກ້ວຫາວົງ, ຫົວໜ້າກົມສົ່ງເສີມກະສິກຳ ແລະ ສະຫະກອນ, ແລະ ການເປັນປະທານຮ່ວມໂດຍ ທ່ານ ບຸນທ່ຽງ ລັດຕະນະວົງ, ປະທານສະມາຄົມຜະລິດ ແລະ ປຸງແຕ່ງກະສິກໍາລາວ. ໃນກອງປະຊຸມມີຜູ້ເຂົ້້າຮ່ວມທັງໝົດ 45 ທ່ານ ເປັນຍິງ 16 ທ່ານ, ເຊິ່ງປະກອບມີ ບັນດາພະນັກງານຈາກພາກລັດ, ຜູ້ປະສານງານຂັ້ນແຂວງ, ເມືອງທີ່ກ່ຽວຂ້ອງ. ມີບັນດາບໍລິສັດດ້ານທຸລະກິດກະສິກຳ, ສະຫະກອນການຜະລິດ, ກຸ່ມຜູ້ຜະລິດກະສິກໍາ ແລະ ທີມງານໂຄງການ ຄສກສ ເຂົ້່າຮ່ວມ.
ຈຸດປະສົງຂອງກອງປະຊຸມແມ່ນເພື່ອເຜີຍແຜ່ ບັນດາເງື່ອນໄຂຕ່າງໆ, ການນໍາໃຊ້ທຶນຊ່ວຍເຫລືອ, ແບບຟອມບົດສະ ເຫນີແນວຄວາມຄິດ, ການເປີດ-ປິດຮັບບົດສະເຫນີແນວຄວາມຄິດ ແລະ ຂັ້ນຕອນຕ່າງໆຂອງການຊ່ວຍເຫລືອແກ່ທຸລະກິດ ກະສິກໍາ (ໂຮງເຮືອນ ຄັດແຍກ ແລະ ຫຸ້ມຫໍ່ພືດຜັກ, ໂຮງງານຝຸ່ນຊີວະພາບ) ເພື່ອໃຫ້ຜູ້ປະກອບການ ທຸລະກິດ ກະສິກໍາ ຮັບຮູ້, ເຂົ້າໃຈ ແລະ ກະກຽມຄວາມພ້ອມເພື່ອທີ່ສະຫມັກຂໍການຊ່ວຍເຫລືອດັ່ງກ່າວ
ໃນກອງປະຊຸມຄັ້ງນີ້, ທ່ານ ຄຳປ້ອງ ວົງພະຈັນ ຜູ້ປະສານງານ ໂຄງການ ຄສກສ ຂັ້ນສູນກາງ ໄດ້ນຳສະເໜີພາບລວມຂອງໂຄງການ, ຫລັງຈາກນັ້ນ ທ່ານ ສຸລິພອນສິດ ລັດຕະນະມົງຄຸນ ທີ່ປຶກສາດ້ານການຄຸ້ມຄອງການເງິນ (FME) ໄດ້ນໍາສະເໜີ ກ່ຽວກັບພາບລວມຂອງທີ່ປຶກສາຄຸ້ມຄອງການເງິນ ແລະ ການຊ່ວຍເຫລືອ ໃຫ້ແກ່ຜູ້ປະກອບການທຸລະກິດກະສິກຳແບບມີສ່ວນຮ່ວມ (MGS), ໂຄງການສົ່ງເສີມລະບົບຕ່ອງໂສ້ການຜະລິດກະສິກໍາເປັນສິນຄ້າ ທີ່ເປັນມິດຕໍ່ສິ່ງແວດລ້ອມ (ຄສກສ).
ຈາກນັ້ນ, ທີ່ປຶກສາດ້ານການຄຸ້ມຄອງການເງິນ (FME) ໄດ້ນໍາສະເໜີກ່ຽວກັບເງື່ອນໄຂ, ແບບຟອມ ແລະ ເອກະສານຕ່າງໆທີ່ກ່ຽວຂ້ອງການຊ່ວຍເຫລືອ ໃຫ້ແກ່ຜູ້ປະກອບການທຸລະກິດກະສິກຳ ແລະ ພາກສ່ວນທີ່ກ່ຽວຂ້ອງ.
ພາຍຫລັງ ການນຳສະເໜີ ຜູ້ເຂົ້າຮ່ວມ ກໍໄດ້ປະກອບຄຳຄິດເຫັນກ່ຽວກັບທຶນສະໜັບສະໜູນດັ່ງກ່າວ ເພື່ອໃຫ້ການຈັດຕັ້ງປະຕິບັດກິດຈະກຳຂອງໂຄງການ ຄສກສ ດໍາເນີນໄປໃຫ້ມີປະສິດທິຜົນຢ່າງສູງສຸດ
Matching Grant Scheme Awareness Programme
Organized by: Climate-Friendly Agribusiness Value Chains Sector Project (CFAVC)
Department of Agriculture Extension and Cooperatives (DAEC)
Granted by: Asian Development Bank (ADB) G0585-LAO
At Vientiane Capital, Date 26 December 2023

ກອງປະຊຸມຄະນະຊີ້ນຳໂຄງການສົ່ງເສີມລະບົບຕ່ອງໂສ້ການຜະລິດກະສິກໍາເປັນສິນຄ້າ ທີ່ເປັນມິດຕໍ່ສິ່ງແວດລ້ອມ ປະຈຳປີ 2022 ໄດ້ຈັດຂື້ນຢ່າງເປັນທາງການທີ່ຫ້ອງປະຊຸມໂຮງແຮມດອນຈັນພາເລດ, ນະຄອນຫຼວງວຽງຈັນ, ໃນຕອນເຊົ້າ ເວລາ 08 ໂມງ 30 ນາທີ ຂອງວັນທີ 29 ເດືອນ ມິຖຸນາ 2023 ເຊີ່ງໄດ້ຮັບກຽດການເປັນປະທານໂດຍ ທ່ານ ກິແກ້ວ ສິງນາວົງ ຮອງລັດຖະມົນຕີ ກະຊວງກະສິກຳ ແລະ ປ່າໄມ້ ແລະ ຮັບກຽດຮ່ວມເປັນຄະນະປະທານຈາກ ທ່ານ ພູໂຂງ ບັນນາວົງ ຮອງເຈົ້າຄອງນະຄອນຫຼວງວຽງຈັນ, ທ່ານ ປອ ສົມສະອາດ ອຸ່ນສີດາ ຮອງເຈົ້າແຂວງຄຳມ່ວນ, ທ່ານ ສົມບູນ ຮອງວົງສາ ຮອງເຈົ້າແຂວງຈຳປາສັກ, ທ່ານ ພູທົງ ຄຳມະນີວົງ ຮອງເຈົ້າແຂວງສາລະວັນ, ທ່ານ ຂັນຕີ ສີລະວົງ ຮອງເຈົ້າແຂວງເຊກອງ ເປັນປະທານຮ່ວມກອງປະຊຸມໃນຄັ້ງນີ້ດ້ວຍ. ກອງປະຊຸມໄດ້ມີບັນດາ ທ່ານຫົວໜ້າກົມ, ຮອງຫົວໜ້າກົມ,  ຜູ້ຊີ້ນຳອົງປະກອບດ້ານເຕັກນິກກົມ ສົ່ງເສີມສົ່ງເສີມກະສິກຳ ແລະ ສະຫະກອນ,  ກົມຊົນລະປະທານ, ກົມຄຸ້ມຄອງ ແລະ ພັດທະນາທີ່ດິນກະສິກຳ,​ ສະຖາບັນຄົ້ນຄວ້າກະສິກໍາ, ປ່າໄມ້ ແລະ ພັດທະນາຊົນນະບົດ, ກົມປູກຝັງ,  ກົມແຜນການ ແລະການຮ່ວມມື, ມີບັນດາ ທ່ານຮອງຫົວໜ້າພະແນກກະສິກຳ ແລະ ປ່າໄມ້ແຂວງ 5 ແຂວງ ແລະ 1 ນະຄອນຫຼວງ, ບັນດາ ທ່ານຮອງເຈົ້າເມືອງ ຈາກ 19 ເມືອງເປົ້າໝາຍຂອງໂຄງການ, ມີຕາງໜ້າຈາກກະຊວງກະຊວງແຜນການ ແລະ ການລົງທຶນ, ກະຊວງການເງິນ, ກະຊວງອຸດສະຫະກຳ ແລະ ການຄ້າ, ກະຊວງຊັບພະຍາກອນທຳມະຊາດ ແລະ ສິ່ງເວດລ້ອມ, ມີຜູ້ປະສານງານໂຄງການຂັ້ນສູນກາງ, ຜູ້ປະສານງານໂຄງການຂັ້ນແຂວງ , ຜູ້ປະສານງານຂັ້ນເມືອງ, ຜູ້ປະສານງານຈາກບັນດາກົມອົງປະກອບ, ທີມງານທີ່ປຶກສາດ້ານການຈັດຕັ້ງປະຕິບັດໂຄງການ (PIC) , ທີ່ປຶກສາດ້ານການຄຸ້ມຄອງການເງິນ (FME)  ແລະ ພະນັກງານປະຈຳຫ້ອງການປະສານງານໂຄງການຂັ້ນສູນກາງ ເຊີ່ງມີຜູ້ເຂົ້າຮ່ວມລວມທັງໝົດ 127 ທ່ານ, ຍິງ 24 ທ່ານ.

ໂຄງການສົ່ງເສີມລະບົບຕ່ອງໂສ້ງການຜະລິດກະສິກຳເປັນສີນຄ້າ ທີ່ເປັນມິດຕໍ່ສີ່ງແວດລ້ອມ ໄດ້ເປີດກອງປະຊຸມຜ່ານຮ່າງບົດການສຶກສາເບື້ອງຕົ້ນກ່ຽວກັບການປະເມີນຜົນກະທົບຕໍ່ສີ່ງແວດລ້ອມ IEE , ທີ່ແຂວງຈຳປາສັກ.