ຝຶກອົບຮົມຖອດຖອນບົດຮຽນດ້ານເຕັກນິກການປູກເຂົ້າ ແບບເຕັກນິກນະວັດຕະກຳກະສິກຳ CSA ເພືອເພີ່ມຜົນຜະລິດລາຍຮັບ ສາມາດເຂົ້າສູ້ຕະຫຼາດ

.........................................................

ໃນຕອນເຊົ້າຂອງວັນທີ 18 ກຸມພາ 2025 ຢູ່ທີສະໂມສອນຫ້ອງວ່າການເມືອງໜອງບົກໄດ້ຈັດພິທີເປີດຝຶກອົມຮົມຖອດຖອນບົດຮຽນດ້ານເຕັກນິກໃນການປູກເຂົ້າ ແບບເຕັກນິກນະວັດຕະກຳ CSA ເພື່ອເພີ່ມຜົນຜະລິດລາຍຮັບ ແລະ ສາມາດເຂົ້າສູ້ຕະຫຼາດ ຂຶ້ນຢ່າງເປັນທາງການ ໂດຍພາຍໃຕ້ການເປັນປະທານຮ່ວມຂອງ ທ່ານ ນາງ ດາລຸນນີ ໄຊຍະບຸດ ຮອງຫົວໜ້າພະແນກກະສິກຳ ແລະ ປ່າໄມ້ແຂວງຄຳມ່ວນ ທັງເປັນຄະນະຊີ້ນຳໂຄງການສົ່ງເສີ່ມລະບົບຕ່ອງໂສ້ການຜະລິດກະສິກຳເປັນສິນຄ້າທີເປັນມິດຕໍ່ສິງແວດລ້ອມ ທ່ານ ປອ ພັນໄຊ ອິງໄຊ ຮອງຫົວໜ້າກົມສົ່ງເສີມກະສິກຳ ແລະ ສະຫະກອນ ກະຊວງກະສິກຳ ແລະ ປ່າໄມ້ ເຂົ້າຮ່ວມມີ ທ່ານ ຄຳປ້ອງ ວົງພະຈັນ ທັງເປັນຜູ້ປະສານງານໂຄງການ ຄສກສ ຂັ້ນສູນກາງເຂົ້າຮ່ວມໃນກອງປະຊຸມຄັ້ງນີ້ມີ 03 ແຂວງ ແລະ ມີ 12 ເມືອງຄື: ແຂວງຄຳມ່ວນມີ 3 ເມືອງ,ແຂວງສະຫວັນນະເຂດ ມີ 6 ເມືອງ ແລະ ແຂວງສາລະວັນມີ 3 ເມືອງ, ເຊິ່ງມີຜູ້ເຂົ້າຮ່ວມທັງໝົດ 80 ຄົນ, ຍິງ 21 ຄົນ,

ຈຸດປະສົງໃນການຈັດກອງປະຊຸມໃນຄັ້ງນີ້ກໍ່ເພື່ອເປັນການຝຶກອົບຮົມທົບທວນຄືນໃນວຽກງານດ້ານເດັກນິກໃນການປູກເຂົ້າແບບເຕັກນິກນະວັດຕະກຳ CSA ໃຫ້ພະນັກງານຂັ້ນແຂວງ ແລະ ຂັ້ນເມືອງ ພາຍໃຕ້ໂຄງການ ຈາກນັ້ນນັກວິທະຍາກອນຂັ້ນສູນກາງ ແລະ ຂັ້ນແຂວງກໍ່ໄດ້ຜັດປ່ຽນກັນຂື້ນບັນລະຍາຍເຖິງຂັ້ນຕອນ ແລະ ເຕັກນິກຕ່າງໆໃນຈຳນວນ 15 ເຕັກນິກໃຫ້ນັກສຳມະນາກອນໄດ້ມຄວາມຮັບຮູ້ ແລະ ເຂົ້າໃຈທີ່ຈະໄດ້ພ້ອມພາກັນຈັດຕັ້ງປະຕິບັດໃຫ້ມັນເກີດດອກອອກຜົນຄື: ເຕັກນິກນະວັດຕະກຳກະສິກຳຫັນເປັນທັນສະໄໝ,ເຕັກນິກການປ້ອງກັນຜຶດແບບປະສົມປະສານ,ເຕັກນິກວິທີເຮັດຝຸ່ນບົ່ມ,ເຕັກນິກການກຳຈັດຜະຍາດພຶດຂອງເຂົ້າ,ເຕັກນິກການປ້ອງກັນ ແລະ ກຳຈັດແມງໄມ້ທີສຳຄັນຂອງເຂົ້າ,ເຕັກນິກໃນການປະດິດເຄື່ອງຢອດເມັດເຂົ້ານຳໃຊ້ວັດສະດຸທີຫາໄດ້ໃນທ້ອງຖິ່ນ, ຄວາມຮູ້ໃນການຜະລິດຝຸ່ນ ແລະ ການຜະລິດຝຸ່ນອົງຂະທາດ,ຄູ່ມືໃນການເຮັດຝຸ່ນ,ເຕັກນິກການປູກເຂົ້າໃນນາຢອດຕົມ,ເຕັກນິກໃນການປູກເຂົ້າໃນນາຢອດຕົມ,ເຕັກນິກໃນການປູກເຂົ້າໃນນາຢອດແຫ້ງ,ເຕັກນິກໃນການປູກເຂົ້າໃນນາຫວານແຫ້ງ ແລະ ເຕັກນິກໃນການເກັບກ່ຽວ ແລະ ຮັກສາເຂົ້າ ສຳລັບໃນການຝຶກອົບຮົມໃນຄັ້ງນີ້ແມ່ນຈະໄດ້ດຳເນີນໄປຮອດວັນທີ 21 ກຸມພາ 2025 ຈຶງຈະສຳເລັດລົງ.