0
0
0
s2sdefault
ຂ່າວ
ພິທີມອບ-ຮັບ ທຶນສະໜັບສະໜູນ ໃຫ້ກຸ່ມຜູ້ຜະລິດເຂົ້າ ແລະ ແນວພັນເຂົ້າ ລຸ້ນ 3 ເປັນສິນຄ້າ ຈໍານວນ 11 ກຸ່ມ ໃນ 6 ເມືອງເປົ້າໝາຍໂຄງການ ຄສກສ ທີ່ ແຂວງ ສະຫວັນນະເຂດ, ຈໍານວນ 5,708,118,000 ກີບ ຫຼື ທຽບເທົ່າ 259,000 ໂດລາສະຫະລັດ
ໃນວັນທີ 16-19 ກັນຍາ 2024, ໂຄງການສົ່ງເສີມລະບົບຕ່ອງໂສ້ການຜະລິດກະສິກໍາເປັນສິນຄ້າ ທີ່ເປັນມິດຕໍ່ສົ່ງແວດລ້ອມ (ຄສກສ) ຂອງ ກົມສົ່ງເສີມກະສິກໍາ ແລະ ສະຫະກອນ, ກະຊວງກະສິກໍາ ແລະ ປ່າໄມ້, ພະແນກກະສິກໍາ ແລະ ປ່າໄມ້ ແຂວງ ສະຫວັນນະເຂດ ໄດ້ຈັດພິທີມອບ-ຮັບ ທຶນສະໜັບສະໜູນໃຫ້ກຸ່ມຜູ້ຜະລິດກະສິກໍາຂະໜາດນ້ອຍ / Smallholder Financing Scheme (SFS) ຈໍານວນ 11 ກຸ່ມຂື້ນ ທີ່ ເມືອງ ອາດສະພັງທອງ, ເມືອງ ຈໍາພອນ, ເມືອງ ຊົນນະບູລີ, ເມືອງ ໄຊພູທອງ, ເມືອງ ສອງຄອນ ແລະ ເມືອງ ໄຊບູລີ, ແຂວງ ສະຫວັນນະເຂດ, ເຊິ່ງເປັນປະທານໂດຍ:
ທ່ານ ອຸ່ນຫລ້າ ພູວົງນິນທາ ຮອງເຈົ້າເມືອງໆ ອາດສະພັງທອງ
ທ່ານ ຄໍາຕາ ສິນທະສອນ ຮອງເຈົ້າເມືອງໆ ຈໍາພອນ
ທ່ານ ຄໍາໃສ ບຸບຜາພັນ ຮອງເຈົ້າເມືອງໆ ຊົນນະບູລີ
ທ່ານ ເພີນ ທາມອນຕີ ຮອງເຈົ້າເມືອງໆ ໄຊພູທອງ
ທ່ານ ປທ ລິນທອງ ບຸນທະມາລີ ຮອງເຈົ້າເມືອງໆ ສອງຄອນ
ທ່ານ ພູເງິນ ຈັນທະສອນ ຮອງເຈົ້າເມືອງໆ ໄຊບູລີ
ທ່ານ ຄໍາມອນ ທິລາວົງ ຮອງຫົວໜ້າພະແນກກະສິກໍາ ແລະ ປ່າໄມ້ ແຂວງ ສະຫວັນນະເຂດ
ທ່ານ ຄໍາປ້ອງ ວົງພະຈັນ ຫົວໜ້າໂຄງການ ຄສກສ, ກົມສົ່ງເສີມກະສິກໍາ ແລະ ສະຫະກອນ.
ທຶນດັ່ງກ່າວເປັນເງິນຊ່ວຍເຫລືອລ້າຈາກທະນາຄານພັດທະນາອາຊີ (ADB) ມອບໃຫ້ແກ່ກຸ່ມຜະລິດແນວພັນເຂົົ້າລຸ້ນ3 ເປັນສິນຄ້າ ບ້ານປົ່ງນາ ເມືອງ ອາດສະພັງທອງ; ກຸ່ມຜະລິດແນວພັນເຂົົ້າລຸ້ນ 3 ເປັນສິນຄ້າ ບ້ານ ພະແລງ, ກຸ່ມຜູ້ລິດເຂົ້າ GAP ເປັນສິນຄ້າ ບ້ານ ທວດ ເມືອງ ຈໍາພອນ; ກຸ່ມຜະລິດແນວພັນເຂົົ້າລຸ້ນ3 ເປັນສິນຄ້າ ບ້ານ ກອງປະທຸມວັນ, ກຸ່ມຜູ້ລິດເຂົ້າເປັນສິນຄ້າ ບ້ານ ທ່າຄໍາເຫຼື່ອມ ເມືອງ ຊົນນະບູລີ; ກຸ່ມຜະລິດເຂົ້າຄຸນນະພາບດີປັນສິນຄ້າ ບ້ານ ຄັນທ່າຈານ ເມືອງ ໄຊພູທອງ; ກຸ່ມຜະລິດເຂົ້າປັນສິນຄ້າ ບ້ານ ໜອງເດີ່ນທົ່ງ, ບ້ານ ດົງສະຫວ່າງ ເມືອງ ສອງຄອນ; ກຸ່ມຜະລິດເຂົ້າປັນສິນຄ້າ ບ້ານ ບຶງເຊ, ບ້ານ ຫາດຊາຍສູງ, ບ້ານ ກ້າງປາ-ໂພນທັນ ເມືອງ ໄຊບູລີ, ແຂວງ ສະຫວັນນະເຂດ ເຊິ່ງມີຈໍານວນສະມາຊິກກຸ່ມທັງໝົດ 261 ຄອບຄົວ.
ຈຸດປະສົງຂອງການນໍາໃຊ້ທຶນແມ່ນ: (1) ເພື່ອເປັນທຶນໝູນວຽນໃນການຊື້ປັດໃຈການຜະລິດເຂົ້າ ແລະ ແນວພັນເຂົ້າເປັນສິນຄ້າ ຂອງສະມາຊິກພາຍໃນກຸ່ມ, (2) ເພື່ອຊື້ພາຫະນະກົນຈັກໃຫຍ່ເຊັ່ນ:ລົດໄຖນາໃຫຍ່ 50 ແຮງມ້າ ເປັນຊັບສິນສ່ວນລວມພາຍໃນກຸ່ມ ຮັບໃຊ້ບໍລິການສະມາຊິກພາຍໃນກຸ່ມ ຫລື ນອກກຸ່ມໃນການກະກຽມດິນນາປູກເຂົ້າ.
ພິທີມອບ-ຮັບ ທຶນສະໜັບສະໜູນ ໃຫ້ກຸ່ມຜູ້ຜະລິດພືດຜັກເປັນສິນຄ້າ ຈໍານວນ 2 ກຸ່ມ ທີ່ ເມືອງ ສຸຂຸມາ, ແຂວງ ຈໍາປາສັກ
ພິທີມອບ-ຮັບ ທຶນສະໜັບສະໜູນ ໃຫ້ກຸ່ມຜູ້ຜະລິດພືດຜັກເປັນສິນຄ້າ ຈໍານວນ 2 ກຸ່ມ ທີ່ ເມືອງ ສຸຂຸມາ, ແຂວງ ຈໍາປາສັກໃນວັນທີ 13/09/2024 ທີ່ຜ່ານມາ, ໂຄງການສົ່ງເສີມລະບົບຕ່ອງໂສ້ການຜະລິດກະສິກໍາເປັນສິນຄ້າທີ່ເປັນມິດຕໍ່ສົ່ງແວດລ້ອມ (ຄສກສ) ຂອງ ກົມສົ່ງເສີມກະສິກໍາ ແລະ ສະຫະກອນ, ກະຊວງກະສິກໍາ ແລະ ປ່າໄມ້ ໄດ້ຈັດພິທີມອບ-ຮັບ ທຶນສະໜັບສະໜູນ ໃຫ້ແກ່ ກຸ່ມຜູ້ຜະລິດກະສິກໍາຂະໜາດນ້ອຍ (SFS) ຈໍານວນ 2 ກຸ່ມ ທີ່ ເມືອງ ສຸຂຸມາ, ແຂວງ ຈໍາປາສັກ, ໂດຍການເປັນປະທານ ຂອງ ທ່ານ ສົມພອນ ແກ້ວຫາວົງ ຫົວໜ້າກົມສົ່ງເສີມກະສິກຳ ແລະ ສະຫະກອນ ກະຊວງກະສິກໍາ ແລະ ປ່າໄມ້, ທ່ານ ສົມສະໜິດ ສີສັງວອນ ຮອງເຈົ້າເມືອງໆສຸຂຸມາ ປະທານຄະນະຊີ້ນຳໂຄງການ ຄສກສ ຂັ້ນເມືອງ.
ຈຸດປະສົງເພື່ອ ມອບທຶນສະໜັບສະໜູນໃຫ້ແກ່ ກຸ່ມຜູ້ຜະລິດກະສິກໍາຂະໜາດນ້ອຍ (SFS) ຈໍານວນ 2 ກຸ່ມ, ລວມເປັນເງິນຈໍານວນ 905,997,000 ກີບ ຫຼື ທຽບເທົ່າ 41,000 ໂດລາສະຫະລັດ, ເຊິ່ງເປັນທຶນຊ່ວຍເຫລືອລ້າຈາກ ທະນາຄານພັດທະນາອາຊີ (ADB) ໃຫ້ແກ່ ກຸ່ມຜະລິດໝາກຖົ່ວດິນເປັນສິນຄ້າ ແລະ ກຸ່ມຜະລິດໝາກເຜັດເປັນສິນຄ້າ ບ້ານ ຫ້ວຍແຫ່, ເຊິ່ງມີຈໍານວນສະມາຊິກກຸ່ມທັງໝົດ 41 ຄອບຄົວ.
ພິທີມອບ-ຮັບ ທຶນສະໜັບສະໜູນ ໃຫ້ກຸ່ມຜູ້ຜະລິດພືດຜັກເປັນສິນຄ້າ ຈໍານວນ 5 ກຸ່ມ ທີ່ ເມືອງ ປາກຊ່ອງ, ແຂວງ ຈໍາປາສັກ
ພິທີມອບ-ຮັບ ທຶນສະໜັບສະໜູນ ໃຫ້ກຸ່ມຜູ້ຜະລິດພືດຜັກເປັນສິນຄ້າ ຈໍານວນ 5 ກຸ່ມ ທີ່ ເມືອງ ປາກຊ່ອງ, ແຂວງ ຈໍາປາສັກ
ຈຸດປະສົງເພື່ອ ມອບທຶນສະໜັບສະໜູນໃຫ້ແກ່ ກຸ່ມຜູ້ຜະລິດກະສິກໍາຂະໜາດນ້ອຍ (SFS) ຈໍານວນ 5 ກຸ່ມ, ລວມເປັນເງິນຈໍານວນ 2,541,855,000 ກີບ ຫຼື ທຽບເທົ່າ 115,000 ໂດລາສະຫະລັດ, ເຊິ່ງເປັນທຶນຊ່ວຍເຫລືອລ້າຈາກ ທະນາຄານພັດທະນາອາຊີ (ADB) ໃຫ້ແກ່ກຸ່ມຜະລິດພືດຜັດເປັນສິນຄ້າ ບ້ານ ທົ່ງກາຫຼົງ, ບ້ານ ກະຕວດ, ບ້ານ ຫ້ວຍເສັດ, ບ້ານ ກອງຕຸ່ນ ແລະ ບ້ານ ໜອງສູງ, ເຊິ່ງມີຈໍານວນສະມາຊິກກຸ່ມທັງໝົດ 134 ຄອບຄົວ.
ພິທີດັ່ງກ່າວໄດ້ມີຜູ້ແທນຈາກຫລາຍພາກສ່ວນເຂົ້າຮ່ວມມອບຢ່າງພ້ອມພຽງ ເຊິ່ງມີຕາງໜ້າຈາກ ຫ້ອງການທີ່ກ່ຽວຂ້ອງຂັ້ນເມືອງ ເຊັ່ນ: ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ, ຫ້ອງການອຸດສາຫະກໍາ ແລະ ການຄ້າ, ຫ້ອງການ ການເງິນ, ຫ້ອງການກະສິກໍາ ແລະ ປ່າໄມ້ ເມືອງ, ພາກສ່ວນ ກົມສົ່ງເສີມກະສິກໍາ ແລະ ສະຫະກອນ, ພະແນກກະສິກໍາ ແລະ ປ່າໄມ້ ແຂວງ ຈໍາປາສັກ, ຄະນະໂຄງການ ຄສກສ, ຜູ້ຊ່ຽວຊານປະຈໍາໂຄງການ, ຜູ້ປະສານງານໂຄງການ ຄສກສ ຂັ້ນແຂວງ-ຂັ້ນເມືອງ ຕະຫຼອດເຖີງ ສະມາຊິກກຸ່ມຜະລິດພືດຜັກເປັນສິນຄ້າ ທັງໝົດ 5 ກຸ່ມ
ນໍາພາກຸ່ມປູກພຶດຜັກອີນຊີ ຈາກນະຄອນຫຼວງ ວຽງຈັນມີ, ເມືອງ ໄຊເສດຖາ, ເມືອງ ສີໂຄດຕະບອງ, ເມືອງ ນາຊາຍທອງ ທັດສະນະສືກສາເຕັກນິກການປູກຜັກກະສິກຳອິນຊີ (OA) ຢູ່ ບ້ານ ນາຫາດ, ເມືອງ ຄໍາເກີດ, ແຂວງ ບໍລິຄໍາໄຊ
ໃນຫວ່າງວັນທີ່ 20-24 ສິງຫາ 2024 ທາງໂຄງການສົ່ງເສີມລະບົບຕ່ອງໂສ້ການຜະລິດກະສິກໍາເປັນສິນຄ້າທີ່ເປັນມິດຕໍ່ສິ່ງແວດລ້ອມ (ຄສກສ) ອົງປະກອບ ກສກສ ໄດ້ນໍາພາກຸ່ມປູກພຶດຜັກອີນຊີ ຈາກນະຄອນຫຼວງ ວຽງຈັນມີ, ເມືອງ ໄຊເສດຖາ, ເມືອງ ສີໂຄດຕະບອງ, ເມືອງ ນາຊາຍທອງຈໍານວນ41ທ່ານ, ຍິງ 12 ທ່ານ= 29%,
ທັດສະນະສືກສາເຕັກນິກການປູກຜັກກະສິກຳອິນຊີ (OA) ຢູ່ ບ້ານ ນາຫາດ, ເມືອງ ຄໍາເກີດ, ແຂວງ ບໍລິຄໍາໄຊ ແລກປ່ຽນບົດຮຽນດ້ານເຕັກນິກການປູກຜັກແບບກະສິກຳອິນຊີ ເປັນສິນຄ້າ ໃຫ້ພະນັກງານແຂວງ, ເມືອງ ແລະ ກຸ່ມຜະລິດໄດ້ມາຮຽນຮູ້ ດ້ານເຕັກນິກການຜະລິດຜັກອິນຊີເປັນສິນຄ້າລະດູຝົນ ນຳກຸ່ມທີ່ມີຄວາມເຂັ້ມແຂງ, ກຸ່ມປູກຜັກບ້ານນາຫາດ ເມືອງ ຄໍາເກີດ ແຂວງ ບໍລິຄໍາໄຊ ມີ 40 ຄອບຄົວ , 15ຄອບຄົວ ປູກຜັກອີນຊີ ແລະ 25 ຄອບຄົວ ປູກຜັກກະສິກໍາສະອາດ, ມີເນື້ອທີ່ປູກ3,5 ເຮັກຕາປະເພດຜັກທີປູກ , ຜັກການຊອມ,ຜັກປົ້ງ,ຜັກບົ່ວ,ຜັກສະລັດ,ຜັກບົວລະພາ,ຜັກຫອມປ້ອມ,ຜັກຫົມ, ໝາກຖົ່ວ, ຕະຫຼາດ ແລະ ຮູບແບບການຈຳໜ່າຍ, ພໍ່ຄ້າຄົນກາງ
ໃນຫວ່າງວັນທີ່ 20-24 ສິງຫາ 2024 ທາງໂຄງການສົ່ງເສີມລະບົບຕ່ອງໂສ້ການຜະລິດກະສິກໍາເປັນສິນຄ້າທີ່ເປັນມິດຕໍ່ສິ່ງແວດລ້ອມ (ຄສກສ) ອົງປະກອບ ກສກສ ໄດ້ນໍາພາກຸ່ມປູກພຶດຜັກອີນຊີ ຈາກນະຄອນຫຼວງ ວຽງຈັນມີ, ເມືອງ ໄຊເສດຖາ, ເມືອງ ສີໂຄດຕະບອງ, ເມືອງ ນາຊາຍທອງຈໍານວນ41ທ່ານ, ຍິງ 12 ທ່ານ= 29%,
ທັດສະນະສືກສາເຕັກນິກການປູກຜັກກະສິກຳອິນຊີ (OA) ຢູ່ ບ້ານ ນາຫາດ, ເມືອງ ຄໍາເກີດ, ແຂວງ ບໍລິຄໍາໄຊ ແລກປ່ຽນບົດຮຽນດ້ານເຕັກນິກການປູກຜັກແບບກະສິກຳອິນຊີ ເປັນສິນຄ້າ ໃຫ້ພະນັກງານແຂວງ, ເມືອງ ແລະ ກຸ່ມຜະລິດໄດ້ມາຮຽນຮູ້ ດ້ານເຕັກນິກການຜະລິດຜັກອິນຊີເປັນສິນຄ້າລະດູຝົນ ນຳກຸ່ມທີ່ມີຄວາມເຂັ້ມແຂງ, ກຸ່ມປູກຜັກບ້ານນາຫາດ ເມືອງ ຄໍາເກີດ ແຂວງ ບໍລິຄໍາໄຊ ມີ 40 ຄອບຄົວ , 15ຄອບຄົວ ປູກຜັກອີນຊີ ແລະ 25 ຄອບຄົວ ປູກຜັກກະສິກໍາສະອາດ, ມີເນື້ອທີ່ປູກ3,5 ເຮັກຕາປະເພດຜັກທີປູກ , ຜັກການຊອມ,ຜັກປົ້ງ,ຜັກບົ່ວ,ຜັກສະລັດ,ຜັກບົວລະພາ,ຜັກຫອມປ້ອມ,ຜັກຫົມ, ໝາກຖົ່ວ, ຕະຫຼາດ ແລະ ຮູບແບບການຈຳໜ່າຍ, ພໍ່ຄ້າຄົນກາງ
ຜ່ານການລົງທັດສະນະສຶກສາເຫັນວ່າປັດໃຈພຶ້ນຖານການຕະຫຼາດປະກອບມີ 1, (ຜະລິດຕະພັນ, ລາຄາ, ໂປໂມຊັນ, ສະຖານທີ) 2. ການຄຸ້ມຄອງຫຼັງການເກັບກ່ຽວ(ການເກັບກ່ຽວ, ການຄັດເລືອກຫຼືການຄັດເກດ,ການເກັບຮັກສາ, ການຮັກສາຄວາມເຢັນອຸນະພູມ, ການຫຸ້ມຫໍ່, ການຂົນສົ່ງ), ຕ່ອງໂສ້ການຕະຫຼາດ(ຜູ້ຜະລິດ, ຜູ້ຊື້ຄົນທ້ອງຖີ່ນ, ຕະຫຼາດຂາຍຍົກ, ຕະຫຼາດຂາຍຍ່ອຍ, ຕະຫຼາດຊຸມຊົນ), ຊ່ວງທາງການຕະຫຼາດ(ມີ3 ຊ່ອງທາງ 1. ຜູ້ຜະລິດ-ຜູ້ຂາຍສົ່ງ-ຜູ້ຂາຍຍ່ອຍ-ຜູ້ບໍລິໂພກ, 2.ຜູ້ຜະລິດ-ຜູ້ຂາຍຍ່ອຍ-ຜູ້ບໍລິໂພກ, 3.ຜູ້ຜະລິດ-ຜູ້ບໍລິໂພກ )ກຸ່ມຜະລິດຈະໄດ້ນໍາເອົາບົດຮຽນທີ່ດີ ຈາກການມາທັດຊະນະສືກສາຄັ້ງນີ້ໄປນຳໃຊ້ເຂົ້າໃນການພັດທະນາການຜະລິດຜັກໃນກຸ່ມຂອງຕົນ ເຮັດໃຫ້ກຸ່ມມີຄວາມເຂັ້ມແຂງໄປເທື່ອລະກ້າວ.
