ຂ່າວ

ໃນວັນທີ 10 ມັງກອນ 2024 ທີ່ ພະແນກສຶກສາທິການ ແລະ ກິລາ, ປະຈໍາ ແຂວງ ສະຫວັນນະເຂດ

ໂດຍການເປັນປະທານຂອງ ທ່ານ ຄໍາມອນ ທິລາວົງ, ຮອງຫົວໜ້າພະແນກກະສິກໍາ ແລະ ປ່າໄມ້ ແຂວງ ສະຫວັນນະເຂດ. ໃນກອງປະຊຸມມີຜູ້ເຂົ້້າຮ່ວມທັງໝົດ 34 ທ່ານ ເປັນຍິງ 9 ທ່ານ, ເຊິ່ງປະກອບມີ ບັນດາພະນັກງານຈາກພາກລັດ, ຜູ້ປະສານງານຂັ້ນແຂວງ, ເມືອງທີ່ກ່ຽວຂ້ອງ. ມີບັນດາຜູ້ປະກອບການທຸລະກິດ ແລະ ທີມງານໂຄງການ ຄສກສ ທີ່ເຂົ້່າຮ່ວມ.

ຈຸດປະສົງຂອງກອງປະຊຸມແມ່ນເພື່ອເຜີຍແຜ່ການເຂົ້າຫາການຊ່ວຍເຫຼືອສໍາລັບທຸລະກິດກະສິກໍາ ຂອງ ໂຄງການ ຄສກສ ພ້ອມທັງ ອະທິບາຍລາຍລະອຽດ ບັນດາເງື່ອນໄຂຕ່າງໆ, ການນໍາໃຊ້ທຶນຊ່ວຍເຫລືອ, ແບບຟອມບົດສະເຫນີແນວຄວາມຄິດ, ການເປີດ-ປິດຮັບບົດສະເຫນີແນວຄວາມຄິດ ແລະ ຂັ້ນຕອນຕ່າງໆຂອງການຊ່ວຍເຫຼືອ (ເຊີ່ງມີ ໂຮງສີເຂົ້າ ແລະ ໂຮງງານຝຸ່ນຊີວະພາບ) ເພື່ອໃຫ້ ຜູ້ປະກອບການ ທຸລະກິດກະສິກໍາ ໄດ້ຮັບຮູ້, ເຂົ້າໃຈ, ແລະ ສະຫມັກຂໍການຊ່ວຍເຫລືອດັ່ງກ່າວ. ທຶນການຊ່ວຍເຫຼືອນີ້ ແມ່ນໄດ້ປະກາດຮັບບົດສະເໜີແນວຄວາມຄິດເປັນທີ່ຮຽບຮ້ອຍແລ້ວ ເພື່ອໃຫ້ບັນດາຜູ້ປະກອບການ ໄດ້ຍື່ນບົດສະເໜີແນວຄວາມຄິດເຂົ້າມາ ຍາດແຍ່ງເອົາທຶນຊ່ວຍເຫຼືອຈາກໂຄງການ, ເຊິ່ງຈະປິດຮັບ ວັນທີ 26/02/2024

ໃນກອງປະຊຸມຄັ້ງນີ້, ທ່ານ ນາງ ພິມມະສອນ ໄຊມົນຕຣີ, ຜູ້ຈັດການ ໂຄງການ ຄສກສ ຂັ້ນສູນກາງ ໄດ້ນຳສະເໜີພາບລວມຂອງໂຄງການ, ຫລັງຈາກນັ້ນ ທ່ານ ສຸລິພອນສິດ ລັດຕະນະມົງຄຸນ ທີ່ປຶກສາດ້ານການຄຸ້ມຄອງການເງິນ (FME)  ໄດ້ນໍາສະເໜີ ກ່ຽວກັບພາບລວມຂອງທີ່ປຶກສາຄຸ້ມຄອງການເງິນ ແລະ ການຊ່ວຍເຫລືອ ໃຫ້ແກ່ຜູ້ປະກອບການທຸລະກິດກະສິກຳແບບມີສ່ວນຮ່ວມ (MGS), ໂຄງການສົ່ງເສີມລະບົບຕ່ອງໂສ້ການຜະລິດກະສິກໍາເປັນສິນຄ້າ ທີ່ເປັນມິດຕໍ່ສິ່ງແວດລ້ອມ (ຄສກສ).

ຈາກນັ້ນ, ທີ່ປຶກສາດ້ານການຄຸ້ມຄອງການເງິນ (FME)  ໄດ້ນໍາສະເໜີກ່ຽວກັບເງື່ອນໄຂ, ແບບຟອມ ແລະ ເອກະສານຕ່າງໆທີ່ກ່ຽວຂ້ອງການຊ່ວຍເຫລືອ ໃຫ້ແກ່ຜູ້ປະກອບການທຸລະກິດກະສິກຳ ແລະ ພາກສ່ວນທີ່ກ່ຽວຂ້ອງ.

ພາຍຫລັງ ການນຳສະເໜີ ຜູ້ເຂົ້າຮ່ວມ ກໍໄດ້ປະກອບຄຳຄິດເຫັນກ່ຽວກັບທຶນສະໜັບສະໜູນດັ່ງກ່າວ ເພື່ອໃຫ້ການຈັດຕັ້ງປະຕິບັດກິດຈະກຳຂອງໂຄງການ ຄສກສ ດໍາເນີນໄປໃຫ້ມີປະສິດທິຜົນຢ່າງສູງສຸດ

Matching Grant Scheme Awareness Programme in Savannakhet

Organized by: Climate-Friendly Agribusiness Value Chains Sector Project (CFAVC)

Department of Agriculture Extension and Cooperatives (DAEC)

Granted by: Asian Development Bank (ADB) G0585-LAO

At Vientiane Capital, Date 10 January 2024

ໃນວັນທີ 11 ຕຸລາ 2023 ໂຄງການສົ່ງເສີມລະບົບຕ່ອງໂສ້ການຜະລິດກະສິກໍາເປັນສິນຄ້າ ທີ່ເປັນມິດຕໍ່ສິ່ງແວດລ້ອມ (ຄສກສ) ໄດ້ເປີດພິທີ ໃນການມອບ-ຮັບ ທຶນສະໜັບສະໜູນຜູ້ຜະລິດກະສິກໍາຂະໜາດນ້ອຍ (SFS) ໃຫ້ແກ່ກຸ່ມຜູ້ຜະລິດພືດຜັກອິນຊີ ບ້ານ ນາສ້າງໃພ ເມືອງ ໄຊເສດຖາ, ນະຄອນຫຼວງວຽງຈັນ ເພື່ອເປັນການຊຸກຍູ້ສາ້ງຄວາມເຂັ້ມແຂງໃນການຜະລິດກະສິກຳເປັນສິນຄ້າ ສາມາດຕອບສະໜອງໃຫ້ຕະຫຼາດທັງພາຍໃນ ແລະ ຕ່າງປະເທດ ຕາມແຜນການຂອງກະຊວງກະສິກຳ ແລະ ປ່າໄມ້ວາງອອກ. ໂດຍ ໂຄງການໄດ້ມອບທຶນໃຫ້ກຸ່ມການຜະລິດພືດຜັກອິນຊີ, ຈໍານວນ 179.415.000 ກີບ/ທຽບເທົ່າ 9.000 ໂດລາສະຫະລັດ ເຊີ່ງທຶນດັ່ງກ່າວແມ່ນໄດ້ຮັບການສະໜັບສະໜູນຈາກທະນາຄານພັດທະນາອາຊີ (ADB)

ໃນຕອນບ່າຍຂອງວັນທີ 05 ຕຸລາ 2023, ໂຄງການສົ່ງເສີມລະບົບຕ່ອງໂສ້ການຜະລິດກະສິກຳເປັນສິນຄ້າ ທີ່ເປັນມິດຕໍ່ສິ່ງແວດລ້ອມ ໄດ້ມອບອຸປະກອນການສຳຫຼວດຕອນດິນກະສິກຳ (ຊຸດກ້ອງ ສຳຫຼວດ RTK) ຈຳນວນ 1 ຊຸດ  ໃຫ້ກັບກົມຄຸ້ມຄອງ ແລະ ພັດມະນາທີ່ດິນກະສິກຳ, ເພື່ອນຳໃຊ້ອຸປະກອນດັ່ງກ່າວເຂົ້າໃນວຽກງານການວາງແຜນນຳໃຊ້ທີ່ດິນກະສິກຳແບບມີສ່ວນຮ່ວມ ແລະ ການວັດແທກອອກໃບຢັ້ງຢືນທີ່ດິນກະສິກຳ.