ຂ່າວ

ຕົວແບບຂອງ ການປູກ ແລະ ຂະຫຍາຍ ຕົ້ນໄມ້ໃຫ້ໝາກ, ໜາກສີດາ ຂອງ ປ້າມຸ່ຍ ເມືອງໄຊທານີ ນະຄອນຫຼວງວຽງຈັນ.

s2sdefault

ປ້າມຸ່ຍ ເປັນປະຊາຊົນບ້ານ ຈຳປາ ເມືອງ ສີໂຄດຕະບອງ ນະຄອນຫຼວງວຽງຈັນ ອາຍຸ 73 ປີ ເຊິ່ງເປັນອາດີດພະນັກງານບຳນານມີສະມາຊິກຄອບຄົວທັງໝົດ 6 ຄົນ, ຍິງ 4 ຄົນ ປ້າມຸ່ຍ ຍັງມັກຮັກໃນການປູກ ແລະ ລ້ຽງສັດ ເພາະວ່າມີມູນເຊື້ອສືບທອດມາແຕ່ລຸ້ນພໍ່ແມ່ປູ່ຍ່າຕາຍາຍ ສະນັ້ນ ປ້າມຸ່ຍຈຶ່ງມີແນວຄວາມຄິດລິເລີ່ມປູກໝາກສີດາ ເປັນອາຊີບຫຼັກຂອງເພິ່ນ ເພື່ອສ້າງລາຍຮັບແກ່ຄອບຄົວຂຶ້ນຕື່ມ ໃນການປູກ, ຂະຫຍາຍ ແລະ ຂາຍຜະລິດຜົນສູ່ຄອບຄົວບໍ່ໜ້ອຍ ສີດາ 15,000 ກີບ - 20,000 ກີບ/ກິໂລ ສະເລ່ຍປີໜຶ່ງຂາຍໄດ້ປະມານ 15,000,000 ລ້ານ/ປີ.

ປ້າມຸ່ຍ ເລີ່ມເຮັດສວນປູກໝາກສີດາ ປີ 2019 ມີເນື້ອທີດິນທັງໝົດ 2 ໄລ່ ເລີ່ມລົງທຶນແມ່ນ ທໍາອິດເປັນເງິນ 8,000,000 – 9,000,000 ກີບ ປ້າມຸ່ຍ ເລີ່ມປູກສີດາ 90 – 100 ຕົ້ນ, ໃນນັ້ນ ມີ 3 ແນວພັນ: ກິມຈຸ, ຫົງເປົາຊື ແລະ ສີດາໃຈແດງ ແນວພັນຕອນເລີ່ມປູກແມ່ນ ເພິ່ນໄດ້ໄປຊື້ຢູູ່ຮ້ານຂາຍເບ້ຍໄມ້ທົ່ວໄປ ແລະ ຈໍານວນໜຶ່ງແມ່ນເພິ່ນໄປຊື້ຢູ່ປະເທດເພື່ອນບ້ານ ( ປະເທດໄທ )ລາຄາຊື້ຢູູ່ໄທແມ່ນ 150 ບາດ/ຕົ້ນ. ສ່ວນວິທີປູກ ແລະ ເຕັກນິກ ເພິ່ນກະເບິ່ງຕາມສື່ອອນລາຍ ຢູ່ທູບ ແລະ ແບບວິທີພື້ນບ້ານຕາມທໍາມະຊາດ , ແລ່ນທໍ່ນໍ້າເຮັດນໍ້າຢົດ, ໃສ່ຝຸ່ນຂີ້ໄກ່ທີ່ຕົນລ້ຽງເອງ ບົວລະບັດມາເລື່ອຍໆຈົນຮອດປີ 2021 ໝາກສີດາເລີ່ມອອກໝາກຜົນ ເພິ່ນກະຂາຍຢູ່ບ້ານໃຜມາຊື້ເພິ່ນກໍຂາຍ ແລະ ຂາຍຕາມຕະຫຼາດແຖວຊຸມຊົນ ຕໍ່ມາມີແມ່ຄ້າໄປຮັບເອົາຢູ່ສວນມາຂາຍຢູ່ຕະຫຼາດລາວ ເຊິ່ງຈັດເປັນໝາກໄມ້ປອດສານພິດ ຕົກມາຕົ້ນປີ 2023 ໄດ້ມີໂຄງການ ສົ່ງເສີມລະບົບຕ່ອງໂສ້ການຜະລິດກະສິກໍາ ເປັນສິນຄ້າທີ່ເປັນມິດຕໍ່ສິ່ງແວລ້ອມ ຄສກສ ເຂົ້າມາເພິ່ນ ໄດ້ຮັບທຶນຊ່ວຍເຫຼືອ ເປັນເງິນຈຳນວນ 1,000 ໂດລາຄິດໄລ່ເປັນເງິນກີບ ຕອນນັ້ນ ແມ່ນ 19,795,000 ລ້ານ. ນອກຈາກທາງໂຄງການ ສົ່ງເສີມລະບົບຕ່ອງໂສ້ການຜະລິດກະສິກໍາເປັນສິນຄ້າທີ່ເປັນມິດຕໍ່ສິ່ງແວລ້ອມ ຄສກສ ໄດ້ສະໜັບສະໜູນທຶນເປັນເງິນແລ້ວ ທາງໂຄງການຍັງໄດ້ມີບັນດາເຕັກນິກຕ່າງໆ ແລະ ວິຊາການສະເພາະດ້ານລົງຈັດຝຶກອົບຮົມສອນໃຫ້ຕື່ມອີກ ບວກໃສ່ປະສົບການທີ່ຕົນເຄີຍປູກ ຈຶ່ງຮຽນເຮັດແຕ່ງກິ່ງເອງເພື່ອໃຫ້ເກີດໄດ້ຮັບຂຶ້ນຕື່ມ ຈາກ 100 ຕົ້ນ ມາເປັນ 170 ຕົ້ນ. ຫຼັງຈາກໄດ້ຮັບທຶນ ແລະ ໄດ້ຮຽນຮູຈາກເຕັກນິກຕ່າງໆ ກໍໄດ້ຮັບຜົນລະລິດເພີ່ມຂຶ້ນຕື່ມ ແລະ ອີງຕາມລາຄາສິນຄ້າຕາມທ້ອງຕະຫຼາດມີການປັບຂຶ້ນ ຮອດປະຈຸບັນນີ້ ເພິ່ນກໍຂາຍ 25,000 – 30,000/ກີບ/ກິໂລ ສະເລ່ຍປີໜຶ່ງ 25,000,000 -30,000,000/ປີ. ການປູກໝາກສີດາ ມີສິ່ງທ້າທ້າຍ ແລະ ພົບຄວາມຫຍຸ້ງ ຍາກດັ່ງນີ້:

1.ການປູກສີດາເພື່ອໄວ້ກິນ ແລະ ຂາຍເພື່ອສ້າງລາຍຮັບໃຫ້ແກ່ຄອບຄົວ.

2.ການປູກໝາກສີດາເປັນອາຊີບແລ້ວ ແລະ ຍັງໄດ້ຮຽນຮູ້ເຕັກນິກຕ່າງໆ ເພື່ອໄວ້ສອນຄົນລຸ້ນຕໍ່ໄປ.

3.ການປູກສີດາພົບຄາມຫຍຸ້ງຍາກຫຼາຍດ້ານເຊັ່ນ: ທຳອິດຍ້ອນຄວາມດຸໝັ່ນ ແລະ ຄວາມມັກຮັກໃນການປູກການລ້ຽງ ເລີຍລອງຜິດລອງຖືກປູກແບບທຳມະຊາດ ພໍປູກໄປໄລຍະໜຶ່ງຈຶງພົບບັນຫາຫຼາຍຢ່າງ ໝາກສີດາ ເປັນໝາກນ້ອຍ ໜາກໃຫ່ຍ ແລະ ເນົ່າເປັນແມງ ແຕ່ປ້າມຸ່ຍກໍມີຄວາມພະຍາຍາມຮຽນຮູ້ຈາກສື່ອອນລາຍ ແລະ ອີກທາງໜຶ່ງແມ່ນທາງໂຄງການ ສົ່ງເສີມລະບົບຕ່ອງໂສ້ການຜະລິດກະສິກໍາເປັນສິນຄ້າທີ່ເປັນມິດຕໍ່ສິ່ງແວລ້ອມ ຄສກສ ເພິ່ນໃຫ້ທຶນຊ່ວຍເຫຼືອ ເປັນເງິນ, ແລະ ເຕັກນິກຕ່າງໆເຂົ້້າມາຊ່ວຍ.

ນອກຈາກນັ້ນ, ຍ້ອນຄວາມດຸໝັ່ນ ແລະ ຄວາມມັກຮັກໃນການປູກການລ້ຽງ ປ້າມຸ່ຍເພິ່ນກໍຍັງປູກໄມ້ກິນໝາກປະສົມປະສານໃສ່ນຳເຊັ່ນ: ໝາກອາໂວກາໂດ້, ໝາກມ່ວງ, ໝາກນາວ, ໝາກກ້ວຍ ນອກນັ້ນ ເຮັດສວນຄົວປູກພືດຜັກແລະ ລ້ຽງເປັດ, ລ້ຽງໄກ່ ເພື່ອໄວ້ກິນ ແລະ ຂາຍໄປນຳ.

ທ້າຍນີ້ ປ້າ ມຸ່ຍ ໄດ້ກ່າວວ່າ ແຜນຕໍ່ໜ້າ ອາດຈະຂະຫຍາຍພື້ນທີ່ປູກເພີ່ມຕື່ມ ແລະ ຈະບົວລະບັດຮັກສາ ຜົນລະປູກທີ່ມີຢູ ແລະ ຮຽນຮູ້ປັບປຸງພັດທະນາໄປເລື່ອຍໆ ເພື່ອໃຫ້ຜົນລະປູກໄດ້ຮັບຜົນເພີ່ມຂຶ້ນ ເພື່ອສະໜອງໃຫ້ຕະຫຼາດເພີ່ມຂຶ້ນໄປເລື້ອຍໆ.

ການປູກຜັກກະລໍ່າປີ ທີ່ຕິດພັນກັບການຕະຫຼາດ ນາງ ເພັດສະໄຫມ ຈັນທະຈັກ , ບ້ານ ຫຼັກຂາວ, ເມືອງ ທ່າແຕງ, ແຂວງເຊກອງ ຄອບຄົວຕົວແບບໃນການຜະລິດພືດຜັກເປັນສິນຄ້າ.

s2sdefault

ຍ້ອນຄວາມດຸໝັ່ນຂະຫຍັນພຽນ ເພື່ອພັດທະນາຊີວິດການເປັນຢູ່ຂອງຄອບຄົວໃຫ້ມີຢູ່ມີກິນ, ຮັ່ງມີເຂັ້ມແຂງຂຶ້ນໄປ ຕາມແນວທາງນະ ໂຍບາຍຂອງພັກ-ລັດວາງອອກ ບວກກັບຄວາມດຸໝັ່ນ ແລະ ມັກຮັກໃນອາຊີບນັ້ນໆ ຈຶ່ງປະສົບຜົນສໍາເລັດ ແລະ ສາມາດສ້າງລາຍຮັບ ເຂົ້າຄອບຄົວ ການປູກຜັກກະລໍາປີແມ່ນເພື່ອຕອບສະ ໜອງສະບຽງອາຫານໃຫ້ພຽງພໍ ກັບຄວາມຕ້ອງການ ຂອງຕະ ຫຼາດ ແລະ ຜູ້ບໍລິໂພກ ຫຼຸດຜ່ອນການນໍາເຂົ້າ ແລະ ເປັນສິນຄ້າສ້າງລາຍຮັບໃຫ້ແກ່ຄອບຄົວ, ນອກຈາກນັ້ນການປູກຜັກກະລໍາປີກໍ່ເພື່ອພັດທະນາຊີວິດການເປັນຢູ່ ຂອງຄອບຄົວໃຫ້ມີຢູ່ມີກິນ,ໃນປະ ຈຸບັນທາງພາກລັດກໍ່ຄືພາກສ່ວນ ຂະແໜງການກະສິກຳ ແລະ ປ່າ ໄມ້ເມືອງ ຈົນເຖິງຂັ້ນແຂວງກໍ່ໄດ້ສຸມໃສ່ວຽກງານການຜະລິດກະສິ ກຳ ແລະ ໄດ້ສ້າງຄອບຄົວຕົວແບບໃນການຜະລິດ,ຄອບຄົວຂອງ ນາງ ເພັດສະໄຫມ ຈັນທະຈັກ, ອາຍຸ 39 ປີ, ອາຊີບ ຊາວສວນ,ບ້ານ ຫຼັກຂາວ, ເມືອງ ທ່າແຕງ, ແຂວງເຊກອງ ກໍ່ແມ່ນຄອບຄົວໜຶ່ງ ທີ່ເປັນຕົວແບບໃນການປູກກະລໍ່າປີ ເພື່ອເປັນສິນຄ້າ, ປູກກາເຟ ແລະ ປູກມັນຕົ້ນເປັນອາຊີບເສີມ. ເຊິ່ງມີສະມາຊິກຄອບ ຄົວມີທັງໝົດ ຈໍານວນ 6 ຄົນ,ຍິງ 2 ຄົນ, ແຕ່ກ່ອນເຄີຍເປັນພະນັກງານລັດ ຍ້ອນພົບຄວາມຫຍຸ້ງຍາກ ທາງດ້ານເສດຖະກິດຄອບຄົວຈິ່ງໄດ້ລາອອກຈາກການເປັນພະນັກງານລັດ ຫັນມາປູກຜັກກະລໍ່າປີ ເປັນອາຊີບ, ໃນປີ 2007 ໄດ້ລິເລີ່ມເຮັດສວນຜັກກະລໍາປີ ຕອນນັ້ນແມ່ນເຮັດບໍ່ຫຼາຍ,ທຶນກໍ່ບໍ່ພຽງພໍໃນການປູກ ມີພຽງແຕ່ຊື້ດິນ 3 ເຮັກຕາ ເລີ່ມທໍາອິດແມ່ນປູກກາເຟ ແລະ ປູກພືດຜັກກະລໍາປີ,ຜັກບົ່ວ ແລະ ຜັກກາດ ຊັບໃສ່ ກັບສວນກາເຟ,ຫຼັງຈາກນັ້ນ,ເຫັນຜົນກໍາໄລຈາກການຂາຍຜັກ ແລະ ທ້ອນໂຮມຜົນກໍາໄລດັ່ງກ່າວນັ້ນ ປະຈຸບັນນີ້ໄດ້ຊື້ດິນເພີ່ມຕື່ມເພື່ອ .

ຂະຫຍາຍເນື້ອທີ່ການປູກ ຈາກ 3 ເຮັກຕາ ເປັນ 8 ເຮັກຕາ ໃນນັ້ນມີເນື້ອທີ່ ປູກຜັກກະລໍາປີ 2 ເຮັກຕາ,ກາເຟ 4 ເຮັກຕາ ແລະ ມັນຕົ້ນ 2 ເຮັກຕາ ແລະ ໄດ້ຮັບທຶນສົມທົບຈາກ ໂຄງການສົ່ງເສີມລະບົບຕ່ອງໂສ້ການຜະລິດກະສິກຳເປັນສິນຄ້າທີ່ເປັນມິດຕໍ່ສິ່ງແວດລ້ອມ (ຄສກສ)ຈໍານວນ 3,000,000 ກີບ ໃນການເຈາະນໍ້າບາດານ. ມາຮອດປະຈຸບັນນີ້ການະລິດຂອງຄອບຄົວ ຂອງ ທ່ານ ນາງ ເພັດສະໄຫມ ແມ່ນອາໄສແຮງງານຂອງຄອບຄົວເປັນຕົ້ນຕໍ 2 ຜົວເມຍ ແລະ ແຮງງານລູກ 4 ຄົນ ຊ່ວຍເປັນບາງຄັ້ງຄາວ,ໂດຍສະເລ່ຍຕົ້ນທຶນໃນການປູກກະລໍາປີມູນຄ່າ 100,000,000 ກີບ/ປີ, ສາມາດຜະລິດຜັກກະລໍາປີ ໄດ້ທັງໝົດ 140 ໂຕນ/ປີ,ຄິດເປັນມູນຄ່າສະເລ່ຍ 700,000,000 ກີບ/ປີ. ການຈໍາໜ່າຍ: ມີພໍ່ຄ້າຄົນກາງລົງມາເກັບຊື້ກັບສວນເປັນບາງຄັ້ງຄາວ, ຈໍາໜ່າຍໄປປະເທດເພື່ອນບ້ານ(ປະເທດໄທ) ຈໍານວນ 100 ໂຕ່ນ/ປີ,ນອກຈາກນັ້ນຍັງໄດ້ໄປຈໍາໜ່າຍໃຫ້ແກ່ຕະຫຼາດ ຂອງກຸ່ມຜະລິດພືດຜັກຢູ່ບ້ານຫຼັກຂາວ,ເມືອງທ່າແຕງ, ແຂວງເຊກອງ,ຈໍານວນໜຶ່ງແມ່ນຈໍາໜ່າຍໄປທີ່ຕ່າງແຂວງເປັນຕົ້ນແມ່ນ ແຂວງອັດຕະປື ແລະ ສະຫວັນນະເຂດ. ສິ່ງທີ່ຄວນເອົາໃຈໃສ່ ການປູກຜັກກະລໍາປີ ແມ່ນຕ້ອງໄດ້ເອົາໃຈໃສ່ ຂະຫຍັນພຽນ ເພາະໄດ້ສ້າງຝຸ່ນໝັກ,ຝຸ່ນບົ່ມ ເພື່ອນໍາເຂົ້າໃນການຜະລິດ,ການຕິດຕາມ, ການລະບາດຂອງພະຍາດ ແລະ ແມງໄມ້ຕ່າງໆ. ຂໍ້ຫຍຸ້ງຍາກ ຕະຫຼາດຍັງບໍ່ທັນກ້ວາງຂວາງ ຜູ້ບໍລິໂພກຍັງບໍ່ທັນເຫັນຄວາມສໍາຄັນ ແລະ ບໍ່ເປັນທີ່ນິຍົມຂອງຜູ້ບໍລິໂພກພໍປານໃດ, ລາຄາຕົກໃນບາງຊ່ວງ. ຂໍ້ສະດວກ ຫ້ອງການກະສິກໍາປ່າໄມ້ເມືອງ,ພະແນກກະສິກຳ ແລະ ປ່າໄມ້ແຂວງ ໃຫ້ການຊຸກຍູ້ຕິດຕາມ,ຝຶກອົບຮົມທາງດ້ານເຕັກນິກ,ໄດ້ຮັບເງິນສະໜັບສະໜູນ ຈໍານວນໜຶ່ງຈາກໂຄງການສົ່ງເສີມລະບົບຕ່ອງ ໂສ້ການຜະລິດກະສິກຳ ເປັນສິນຄ້າ ທີ່ເປັນມິດຕໍ່ສິ່ງແວດລ້ອມ (ຄສກສ). ອີກສ່ວນໜຶ່ງ ກໍ່ແມ່ນຄວາມມັກຮັກໃນອາຊີບ,ຄວາມອົດທົນທີ່ສຳຄັນແມ່ນຄວາມສາມັກຄີພາຍໃນຄອບຄົວ. ຈາກຜົນສໍາເລັດດັ່ງກ່າວມານັ້ນ: ຈຶ່ງເຮັດໃຫ້ສະຖານະພາບທາງດ້ານເສດຖະ ກິດ ຂອງຄອບຄົວ ນາງ ເພັດສະໄຫມ ຈັນທະຈັກ ດີຂຶ້ນເປັນກ້າວໆ, ມີພາຫະຮັບໃຊ້ ພາຍໃນຄອບຄົວ, ມີເຮືອນຢູ່ທີ່ແໜ້ນໜາຖາ ວອນ, ພ້ອມກັນນັ້ນ ຄອບຄົວ ທ່ານ ນາງ ເພັດສະໄຫມກໍ່ແມ່ນຄອບຄົວໜຶ່ງທີ່ເປັນຄອບຄົວຕົວແບບໃນການປູກຜັກກະລໍາປີເປັນສິນຄ້າ.

ມອບ-ຮັບ ທຶນສະໜັບສະໜູນ ໃຫ້ກຸ່ມຜູ້ຜະລິດເຂົ້າ ແລະ ແນວພັນເຂົ້າລຸ້ນ3 ເປັນສິນຄ້າ ຈໍານວນ 13 ກຸ່ມ ໃນ 3 ເມືອງເປົ້າໝາຍໂຄງການ ຄສກສ ທີ່ ແຂວງ ຄໍາມ່ວນ, ຈໍານວນ 6,455,669,000 ກີບ ຫຼື ທຽບເທົ່າ 293,000 ໂດລາສະຫະລັດ.

s2sdefault

ພິທີມອບ-ຮັບ ທຶນສະໜັບສະໜູນ ໃຫ້ກຸ່ມຜູ້ຜະລິດເຂົ້າ ແລະ ແນວພັນເຂົ້າລຸ້ນ3 ເປັນສິນຄ້າ ຈໍານວນ 13 ກຸ່ມ ໃນ 3 ເມືອງເປົ້າໝາຍໂຄງການ ຄສກສ ທີ່ ແຂວງ ຄໍາມ່ວນ, ຈໍານວນ 6,455,669,000 ກີບ ຫຼື ທຽບເທົ່າ 293,000 ໂດລາສະຫະລັດ.

ໃນລະຫວ່າງວັນທີ 22-24 ຕຸລາ 2024 ທີ່ຜ່ານມາ, ໂຄງການສົ່ງເສີມລະບົບຕ່ອງໂສ້ການຜະລິດກະສິກໍາເປັນສິນຄ້າ ທີ່ເປັນມິດຕໍ່ສົ່ງແວດລ້ອມ (ຄສກສ) ຂອງ ກົມສົ່ງເສີມກະສິກໍາ ແລະ ສະຫະກອນ, ກະຊວງກະສິກໍາ ແລະ ປ່າໄມ້, ໄດ້ຈັດພິທີມອບ-ຮັບ ທຶນສະໜັບສະໜູນໃຫ້ແກ່ ກຸ່ມຜູ້ຜະລິດກະສິກໍາຂະໜາດນ້ອຍ/Smallholder Financing Scheme (SFS) ຈໍານວນ 13ກຸ່ມຂື້ນ ທີ່ ເມືອງ ເຊບັ້ງໄຟ, ເມືອງ ໜອງບົກ ແລະ ເມືອງ ຫິນບູນ, ແຂວງ ຄໍາມ່ວນ, ພາຍໃຕ້ການເປັນປະທານໂດຍ:

ທ່ານ ໄພມະນະ ໂກລິຍະວົງ, ຮອງເຈົ້າເມືອງໆ ເຊບັ້ງໄຟ

ທ່ານ ຄໍາມອນ ພົມພິພັກ, ຮອງເຈົ້າເມືອງໆ ໜອງບົກ

ທ່ານ ເທວາ ສີໂສພາ, ຮອງເຈົ້າເມືອງໆ ຫີນບຸນ

ທ່ານ ປອ ພັນໄຊ ອີງໄຊ, ຮອງຫົວໜ້າກົມສົ່ງເສີມກະສິກໍາ ແລະ ສະຫະກອນ

ທ່ານ ນ. ດາລຸນນີ ໄຊຍະບຸດ, ຮອງຫົວໜ້າພະແນກກະສິກໍາ ແລະ ປ່າໄມ້ ແຂວງ ຄໍາມ່ວນ

ທຶນດັ່ງກ່າວເປັນເງິນຊ່ວຍເຫລືອລ້າຈາກ ທະນາຄານພັດທະນາອາຊີ (ADB) ມອບໃຫ້ແກ່ກຸ່ມຜະລິດແນວພັນເຂົົ້າລຸ້ນ3 ເປັນສິນຄ້າ ບ້ານຕຶງ, ບ້ານຫາດຄໍາຮຽງ, ແລະ ກຸ່ມຜະລິດເຂົ້າເປັນສິນຄ້າ ບ້ານນ້ອຍ, ບ້ານສົ້ມ, ບ້ານຍາງໃຫຍ່, ບ້ານຫາດຄໍາຮຽງ, ບ້ານນາພອກ ເມືອງ ເຊບັ້ງໄຟ; ກຸ່ມຜະລິດແນວພັນເຂົົ້າລຸ້ນ3 ເປັນສິນຄ້າ ບ້ານຜັກອີ່ຕູ່, ບ້ານກຸດຈັບ, ບ້ານນາວາງທົ່ງ ເມືອງ ໜອງບົກ; ກຸ່ມຜະລິດເຂົ້າເປັນສິນຄ້າ ບ້ານດອນດູ່, ບ້ານໜອງດົງ, ບ້ານວັງຫົວປາ ເມືອງ ຫີນບູນ, ແຂວງ ຄໍາມ່ວນ ເຊິ່ງມີຈໍານວນສະມາຊິກກຸ່ມທັງໝົດ 343 ຄອບຄົວ.

ຈຸດປະສົງຂອງການນໍາໃຊ້ທຶນແມ່ນ: (1) ເພື່ອເປັນທຶນໝູນວຽນໃນການຊື້ປັດໃຈການຜະລິດເຂົ້າ ແລະ ແນວພັນເຂົ້າເປັນສິນຄ້າ ຂອງສະມາຊິກພາຍໃນກຸ່ມ, (2) ເພື່ອຊື້ພາຫະນະກົນຈັກໃຫຍ່ເຊັ່ນ : ລົດໄຖນາໃຫຍ່ 50 & 95 ແຮງມ້າ, ລົດບັນທຸກ 6 ລໍ້ ເປັນຊັບສິນສ່ວນລວມພາຍໃນກຸ່ມ ຮັບໃຊ້ບໍລິການສະມາຊິກພາຍໃນກຸ່ມ ຫລື ນອກກຸ່ມໃນການກະກຽມດິນນາປູກເຂົ້າທັງນາປີ ແລະ ນາແຊງ.

Handover Ceremony of Smallholder Financing Scheme (SFS) under Climate-Friendly Agribusiness Value Chains Sector Project (CFAVC) to 3 districts of Khammouan Province, total amount of LAK6,455,669,000 (USD293,000)

On October 22-24, 2024, Climate-Friendly Agribusiness Value Chains Sector Project (CFAVC) of the Department of Agricultural Extension and Cooperatives, Ministry of Agriculture and Forestry organized the SFS Grant handover ceremonies to 13 Agriculture Production Groups in Xebungfai District, Nongbok District, Hinboun District in Khammouan Province.

The ceremony was chaired by

Mr. Phaimana Koliyavong, Deputy Governor of Xebungfai District

Mr. Khammone Phomphithak, Deputy Governor of Nongbok District

Mr. Theva Sisopha, Deputy Governor of Hinboun District

Dr. Phanxay Ingxay, Deputy Director General of Department of Agricultural Extension and Cooperatives

Mrs. Dalounny Xayyaboud, Deputy Director of PAFO, Department of Agriculture and Forestry, Khammouan Province

SFS is a grant from the Asian Development Bank (ADB) to 13 Agriculture Production Groups, which has a total of 343 families.

The purpose of the fund to use for: (1) be a working capital for the purchase of rice production factors and rice seed production for members within the group, (2) to purchase the vehicle such as a tractor as a joint asset within the group to serve members within the group or outside the group in preparing the rice fields.

ໂຄງການສົ່ງເສີມລະບົບຕ່ອງໂສ້ການຜະລິດກະສິກຳເປັນສິນຄ້າທີ່ເປັນມິດຕໍ່ສິ່ງແວດລ້ອມ ໄດ້ມອບອຸປະກອນຫ້ອງທົດລອງ ໃຫ້ວິທະຍາໄລກະສິກໍາ ແລະ ປ່າໄມ້ຈໍາປາສັກ.

s2sdefault

ໃນວັນທີ 8 ພະຈິກ 2024 ໂຄງການສົ່ງເສີມລະບົບຕ່ອງໂສ້ການຜະລິດກະສິກຳເປັນສິນຄ້າທີ່ເປັນມິດຕໍ່ສິ່ງແວດລ້ອມ ໄດ້ມອບອຸປະກອນຫ້ອງທົດລອງ ໃຫ້ວິທະຍາໄລກະສິກໍາ ແລະ ປ່າໄມ້ຈໍາປາສັກ. ພິທີມອບ - ຮັບ ອຸປະກອນຄັ້ງນີ້ ຈັດຂຶ້ນຢູ່ວິທະຍາໄລດັ່ງກ່າວ ໂດຍການເຂົ້າຮ່ວມຂອງ ທ່ານ ສຸລະພົນ ກໍມະນີ ຮອງຫົວໜ້າພະແນກກະສິກໍາ ແລະປ່າໄມ້ແຂວງຈໍາປາສັກ, ທ່ານ ຄໍາສະຫວ່າງ ສົມບູນຂັນ ຜູ້ອໍານວຍການວິທະຍາໄລກະສິກໍາ ແລະ ປ່າໄມ້ຈໍາປາສັກ, ທ່ານ ຄໍາປ້ອງ ວົງພະຈັນ ຫົວໜ້າປະສານງານໂຄງການ ກສກສ ຂັ້ນສູນກາງ, ທ່ານ ເພັດສະໝອນ ຄໍາພູມີ ຫົວໜ້າປະສານງານໂຄງການ ກສກສ ຂັ້ນແຂວງ. ມີຄະນະພັກ - ຄະນະອໍານວຍການ, ພະນັກງານ, ຄູ - ອາຈານ ແລະ ພາກສ່ວນກ່ຽວຂ້ອງເຂົ້າຮ່ວມ.

ໂຄງການ ຄສກສ ເປັນໂຄງການໜຶ່ງທີ່ຈະຊ່ວຍສະໜັບສະໜູນການຈັດຕັ້ງປະຕິບັດແຜນຍຸດທະສາດ ກະສິກຳ ແລະ ປ່າໄມ້ ຮອດປີ 2025 ແລະ ວິໄສທັດ 2030 ໃຫ້ປະກົດຜົນເປັນຈິງ ເຊິ່ງໄດ້ຮັບການສະໜັບສະໜູນ ຈາກທະນາຄານພັດທະນາອາຊີ ໃນຮູບແບບການຊ່ວຍເຫຼືອລ້າ ມີເປົ້າໝາຍເພື່ອພັດທະນາວຽກງານດ້ານກະສິກຳ ເປັນຕົ້ນແມ່ນພື້ນຖານໂຄງລ່າງຮັບໃຊ້ການຜະລິດ, ຊຸກຍູ້ໃຫ້ການຜະລິດກະສິກຳທີ່ຫຼາກຫຼາຍຕອບສະໜອງໄດ້ ຕາມຄວາມຕ້ອງການຂອງທ້ອງຕະຫຼາດ, ປັບປຸງພື້ນຖານໂຄງລາງດ້ານກະສິກຳໃຫ້ມີຄວາມທົນທານຕໍ່ສະພາບການປ່ຽນ ແປງທາງດ້ານດິນຟ້າອາກາດ ໃຫ້ຄວາມຊ່ວຍເຫຼືອໃນການສ້າງຄວາມອາດສາມາດກ່ຽວກັບການປຸງແຕ່ງ, ການເກັບຮັກສາ, ການກວດກາຄຸນນະພາບຜົນຜະລິດກະສິກຳ, ສົງເສີມການນໍາໃຊ້ຊີວະພາບ ແລະ ການຜະລິດກະສິກຳອິນຊີ, ສ້າງຄວາມເຂັ້ມແຂງໃຫ້ແກ່ວິຊາການ ແລະ ອົງການຈັດຕັ້ງທີ່ກ່ຽວຂ້ອງ ກ່ຽວກັບການຜະລິດກະສິກຳທີ່ຕິດພັນກັບ ສະພາບການປ່ຽນແປງທາງດ້ານດິນຟ້າອາກາດ, ສ້າງສະພາບແວດລ້ອມທີ່ເອື້ອອຳນວຍໃຫ້ແກ່ທຸລະກິດກະສິກຳ ທີ່ເປັນມິດກັບສິ່ງແວດລ້ອມ ເພື່ອສົ່ງເສີມການປົກປັກຮັກສາສະພາບແວດລອ້ມ ແລະ ເພີ່ມລາຍໄດ້ໃຫ້ແກ່ຊາວກະສິກອນ ແລະ ຜູ້ປະກອບການທາງດ້ານທຸລະກິດກະສິກຳ ໃຫ້ມີຄວາມຍືນຍົງ ເຊິ່ງມີໄລຍະເວລາ 6 ປີ (ເລີ່ມແຕ່ປີ 2019 ຫາ 2024) ເນື່ອງຈາກມີການລະບາດຂອງພະຍາດໂຄວິດ19 ໂຄງການໄດ້ຕໍ່ເວລາການຈັດຕັ້ງປະຕິບັດອອກໄປອີກ 18 ເດືອນ, ມູນຄ່າລວມ46.370.000 ໂດລາສະຫະລັດ, ໃນນັ້ນປະກອບມີ ເງິນຊ່ວຍເຫຼືອລ້າຈາກທະນາຄານພັດທະນາອາຊີ ຈໍານວນ 40.500.000 ໂດລາສະຫະລັດ, ການປະກອບສ່ວນທຶນສົມທົບສະໜັບສະໜູນທຸລະກິດກະສິກຳ ຈາກຜູ້ປະກອບການທະລະກິດກະສິກຳ ແລະ ຊາວກະສິກອນຂະໜາດນ້ອຍ ຈໍານວນ 5.120.000 ໂດລາສະຫະລັດ ແລະ ການປະກອບສ່ວນທາງດ້ານວັດຖຸຈາກລັດຖະບານ ເຊັ່ນ: ເງິນເດືອນ, ຫ້ອງການ, ໄຟຟ້າ ນໍ້າປະປາ ຄິດເປັນມູນຄ່າ750.000 ໂດລາສະຫະລັດ, ທຶນດັ່ງກ່າວເລັ່ງໃສ່ປັບປຸງຂອດການແຂ່ງຂັນທາງຕ່ອງໂສ້ການຜະລິດເຂົ້າເປັນສິນຄ້າຢູ່ ແຂວງຄໍາມ່ວນ, ສາລະວັນ, ສະຫວັນນະເຂດ; ການຜະລິດພືດຜັກເປັນສິນຄ້າ ຢູ່ນະຄອນຫຼວງວຽງຈັນ, ຈຳປາສັກ ແລະ ແຂວງເຊກອງ. ສໍາລັບການຈັດຕັ້ງປະຕິບັດໂຄງການຢູ່ແຂວງ ມີຢູ່ 2 ເມືອງເປົ້າໝາຍ ຄື: ເມືອງປາກຊ່ອງມີ 6 ບ້ານ ຄື: ບ້ານຫ້ວຍເສັດ; ບ້ານກະຕວດ; ບ້ານກອງຕຸ່ນ; ບ້ານລີ່ເຈືອງ; ບ້ານໜອງສູງ ແລະ ບ້ານທົ່ງກາຫຼົງ. ສ່ວນເມືອງສຸຂຸມາ ມີ 14 ບ້ານ ຄື: ບ້ານສຸຂຸມາ, ບ້ານກຸດຕາບູນ, ບ້ານ ດອນຫວາຍ, ບ້ານທາດສາມປາງ, ບ້ານໂນນແດງ, ບ້ານທ່າແສງ, ບ້ານຫຽງ, ບ້ານອຸທຸມ, ບ້ານປຸ່ງແກ້ວ, ບ້ານກົງກວຽນ, ບ້ານດົງຫົວບ້ານ, ບ້ານໂພສີ, ບ້ານປ່າກ້ວຍ ແລະ ບ້ານຫ້ວຍແຫ່. ໂຄງການ ປະກອບມີ 3 ໝາກຜົນຫຼັກ ຄື: ປັບປຸງໂຄງລ່າງດ້ານກະສິກຳ ເພື່ອສົ່ງເສີມການຜະລິດກະສິກຳເປັນສິນຄ້າ ໃຫ້ມີຄວາມທົນທານຕໍ່ການປ່ຽນແປງດິນຟ້າອາກາດ; ການສົ່ງເສີມນະວັດຕະກຳກະສິກຳ ແລະ ທຸລະກິດກະສິກຳ ທີ່ເປັນມິດຕໍ່ສິ່ງແວດລອ້ມ; ສ້າງສະພາບແວດລ້ອມທີ່ເອື້ອອໍານວຍໃຫ້ແກ່ການຍົກລະດັບທຸລະກິດກະສິກຳທີ່ເປັນມິດຕໍ່ສິ່ງແວດລ້ອມ.

ເຕັກນິກການເກັບກ່ຽວ ແລະ ຮັກສາເຂົ້າ

s2sdefault

ບົດຄວາມອື່ນ ໆ...

Page 1 of 7